我就飛啦。。。

令爸爸媽咪忐忑已久(因為不斷諗緊帶唔帶我皓皓bb去)既日本之旅終於蒞臨啦！雖然只係去4日，但係對於餓咗兩年既佢哋黎講，絶對係超期待！加上決定咗帶埋我皓皓bb去，所以佢哋係又興奮又緊張！

原本呢個禮拜六、日，媽咪都諗住唔出街响屋企攤呌，養精蓄銳應付黎緊既4日行程(因為已經想像到會超辛苦)。不過媽咪始終都係按捺不住，尋日帶我出咗婆婆度玩，順便同詩詩表姐慶祝生日．．．．

星期六(7月4日)

　

　今日媽咪真係好乖咁同我皓皓bb留响屋企玩．．．．

　

　其實我都唔覺悶架！你哋睇我！豉油都玩得一餐！

　

　攞支筆响麻雀枱度篤吓篤吓又玩一餐！

　

阿b發現用支筆刮張枱會發出一啲令媽咪毛管戙既聲音，竟然樂此不疲咁係咁刮！

　

　我同Hello Kitty都可以玩好耐架！

　

　咪睇我係男孩子，其實我好鍾意Hello Kitty．．．．

　

　媽咪趁我瞓咗覺，影我呢一隻好矜貴既牙仔．．．．

　1歲零3個月先至出第1隻牙仔，仲唔係好矜貴？

 

星期日(7月5日)

媽咪好早就同我出咗婆婆公公度陪佢哋飲茶．．．．

　

　

　今日好開心呀！媽咪俾我自己用支spoon spoon ‘筆’飯食！

　

　吓！我面上有幾粒飯？

　

　唔好笑人啦！第1次自己‘筆’嘢食算係咁啦！

飲完茶之後我哋去咗冒險樂園玩．．．．

　

　

　賣飛佛－－扭呔盤！

　

　

　

　

　

　同心心、詩詩表姐一齊玩得好開心！

　

　

　拍蟹仔，好玩呀！

玩完冒險樂園就番屋企切生日蛋糕．．．．

　

　

   

  

   詩詩表姐，祝你生日快樂、學業進步！

我仲有7個鐘就要飛喇！番黎見！Bye Bye！