三人行,日本遊~~day 1

由日本返黎已經好幾日，每次開咗個blog想寫，但係最後都係有諗冇做。阿b起咗身就好難打blog，因為佢會攪攪震，如果响差唔多打完嗰陣俾佢一個唔該交叉咗個page，咁就真係OMG！最慘部腦係touch screen，我護得個mouse 同keyboard黎又護唔到個 screen，實在惡攪；到阿b瞓咗，本應係寫blog既大好時機，但奈何呢幾日實在太攰喇，所以．．．．拖到而家

講開呢個旅行，其實真係冇嘜plan過個行程，因為只係去４日，主要都係shopping買嘢，唔係好駛plan；加上放假前公司勁多手尾要做，所以連資料都冇search到就起行喇！不過好彩之前去過好多次，啲JR呀、鐵路線呀都仲記得，所以冇嘜行過冤枉路．．．．

７月６日（星期一）

香港國際機場→成田機場→池袋Crown Plaza Metropolitan(check in) →新宿→池袋

 

    

   我哋坐9:10機，但係7點左右就黎到機場，預早咗好多。

   

    第一時間去Cathay專櫃度買阿b張機票，然後寄行李．．．．

    阿b張機票係大人既兩成──九百幾蚊。

　　

　　大把時間，食個早餐先．．．．

　　

　　响閘口等上機．．．．

　　

阿b見到咁多車車呀、飛機呀，好興奮咁响度咿咿呀呀、指指點點．．．．

响差唔多起飛既時候，爸爸嗱嗱淋攪咗樽奶俾阿b飲，因為吸吮動作可以平衡耳壓，令耳仔冇咁痛，點知．．．．架飛機要排隊飛出跑道，結果遲咗20分鐘，阿b支奶晨早就飲晒，唯有俾奶咀佢啜，好彩見佢都冇嘜異樣。

落咗機入境嗰陣，諗住要排半粒鐘（次次去都係咁上下），但係我哋俾人分流咗去條priority隊度，哈！原來帶埋阿b去都有啲著數喎！

攞咗行李之後，就即刻去睇火車班次，一睇，嘩！NEX要等45分鐘，Skyliner要等15分鐘，最後唯有坐普通既Keisei Railways，呢隻車冇劃位，上到車好彩爭到兩個位，人又多，仲要沖奶俾阿b飲，真係呢咁hea．．．．

由上到飛機到搭車去酒店，爸爸都懶得攞部相機出黎影相，俾佢激死．．．．

　

　卒之去到酒店，第一時間煲熱水，亦俾阿b呌一呌．．．．

　　

　　攤呌完就出發去新宿shopping．．．．

　　

　　呢度係酒店附近，幾有藝術氣息架！

去到新宿，主攻伊勢丹，距離關門大吉時間只有兩粒鐘，趕住掃貨，所以唔得閒影相喇！行完之後，真係餓到暈，冇食lunch，連飛機餐都冇食呀！

　　

　　响咁肚餓既環境下，最啱食迴轉，一坐低就有嘢食．．．．

不過真係唔想提起呢間三葉迴轉，因為．．．．呢晚我哋一抽二lun，結果响呢度唔見咗一袋好貴既衫呀，好肉赤．．．．

　　

　行去JR站，途經百果園，呢度啲生果好正，次次黎都一定會食。

　　

　　買咗兩盒生果就番酒店lu，因為阿b都眼瞓喇！

番到酒店俾阿b飲埋餐夜奶然後瞓覺，點知阿b唔肯飲，唔知係咪因為個即棄奶樽有啲膠味既緣故呢？呢一刻真係有啲衝動想响日本買幾個chu chu奶樽俾阿b呀．．．．希望佢第二日肯飲啦！