Hello!我哋番嚟喇!4日既關西之旅極速完咗,回歸現實之後,唯有靠睇相打blog 寫遊記,回味一吓呢個愉快既旅程~~
今次旅行,爸爸媽咪再次挑戰體能既極限~~帶住皓皓坐凌晨機,落機即去玩直踩到夜晚。。。。三年前去東京,我哋已經試過一次,其實真係幾辛苦,尤其上次皓皓上到機唔肯瞓。。。。不過為咗請少日假,同埋慳番一晚酒店錢(此乃重點,wakaka),攰爆就攰爆啦!(難得爸爸媽咪仲有呢股年青既魄力同心境,再過多幾年,咁玩法。。。。可能真係頂唔順!Haha~~)
好喇!開始我哋既關西食玩買之旅2013~~~~~~~~~~
今次旅行,爸爸媽咪再次挑戰體能既極限~~帶住皓皓坐凌晨機,落機即去玩直踩到夜晚。。。。三年前去東京,我哋已經試過一次,其實真係幾辛苦,尤其上次皓皓上到機唔肯瞓。。。。不過為咗請少日假,同埋慳番一晚酒店錢(此乃重點,wakaka),攰爆就攰爆啦!(難得爸爸媽咪仲有呢股年青既魄力同心境,再過多幾年,咁玩法。。。。可能真係頂唔順!Haha~~)
好喇!開始我哋既關西食玩買之旅2013~~~~~~~~~~
5月15日(星期三)
Day 1:關西空港→貴志→黑潮市場→Rinku Premium Outlet→難波→道頓堀酒店
Day 1(part 1)重頭戲:坐Tama列車去探Tama站長~~
好多人都知,Tama小玉係和歌山電鐵貴志川線貴志站既站長,佢。。。。其實係一隻三色貓嚟既~~
點解會搵隻貓貓做站長?
話說06年,和歌山電鐵貴志川線為咗節省資源,就取消車站駐員制度,改為委任車站附近商店既員工作為站長。當時就揀咗貴志站旁小山商店既負責人小山利子做站長,而Tama就係商店附近既流浪貓。到07年,鐵路公司決定正式提名Tama為貴志站站長。Tama做咗站長後,知名度越嚟越高,令到原本冇嘜客源既貴志川線,突然多咗好多專程嚟睇佢既乘客。Tama唔單止令鐵路公司轉虧為盈,仲帶旺咗嗰區既經濟添~~
咁有來頭,等我哋都去睇吓Tama既真身先,hehe~~
我哋搭凌晨1:45機,呢班機冇得預先網上劃位,我哋要早少少到機場~~
皓皓話要坐巴士去,所以我哋十點零就出門喇~~
皓皓好興奮,係咁話自己唔眼瞓,上到飛機都唔會瞓覺咁話喎。。。。
唔係呀化?咁大鑊?
唯有畀佢响兒童遊樂區放電,但求佢用盡啲energy,陣間肯乖乖瞓一覺~
終於hea到夠鐘上機。。。。。
我哋既策略成功。。。皓皓上到機即瞓,連飛機餐都冇食~~
呢個係坐凌晨機既飛機餐,個包幾好食~~
嗰邊時間六點左右到埗,先去宅配處將行李寄去酒店。。。。
用咗1900yen左右,換來輕輕鬆鬆咁去玩,抵吖!
然後去買Kansai Thu Pass(2 days:3800yen)搭車去和歌山。嘩!估唔到咁多人排隊買pass!
我哋排咗半個鐘有多,早知响香港買定先啦!
去貴志駅有兩個方法:
1)坐JR去和歌山駅轉貴志川線;
2)坐南海電鐵去和歌山市駅,再坐巴士過JR和歌山駅轉貴志川線。
因為 Pass係包埋南海電鐵同和歌山巴士,所以我哋用第二個方法前往~~
去到泉佐野等轉車,見到呢架外型好似鐵人28既南海電鐵。。。。
大概40分鐘,嚟到和歌山市駅~~
坐巴士過JR和歌山駅,沿路見到和歌山城。。。。
原本都有打算去和歌山城,不過後尾見烈日當空,我哋又攰,都係費事行喇~~
到JR站之後,唔駛買飛,直接過閘口去9月台,
事關啲飛係去到月台先買既~~
入咗閘口,媽咪忍唔住買杯雪糕冰一冰先~~
沿路會見到好多Tama既嘜頭同埋貓印,帶領你去月台位置。。。。
買一日乘車券,事關來回車票已經要720yen,買一日乘車券只係650yen~~
月台位置~~
貴志川線既車有普通列車同三種特別列車,嚟得呢度,當然要坐特別列車啦!
咁你就要check吓列車時刻表喇,裏面會清楚列明邊特別車既種類同班次~~
等咗十零分鐘,Tama列車到站喇~~
車身有好多Tama樣,好可愛!
車廂以Tama身上既黑、白、橙啡3色作為主色~~
車廂裏面勁多detail位:貓形椅背、貓坐墊。。。。。
張張影吓相都有排影~~
連車燈都係貓形,好cute~~
其中一卡車廂仲有個「貓書室」,書架上有貓書、貓漫畫、貓繪本、貓寫真。。。。。
貓迷肯定開心到爆~~
呢個位係Tama列車通車既時候Tama坐既位置。。。。
而家用塊紙板貓代替~~
成程車,皓皓都冇時停,响幾卡列車車廂裏面跑嚟跑去~~
或者攞張紙去'吸'吓印。。。。
坐完凌晨機都咁好精力既?爸爸'欣賞'咗一陣列車,已經坐埋一邊'恰'眼瞓lu~~
三十分鐘左右,嚟到貴志駅喇~~
噢。。。。Tama瞓著咗。。。。。
聽講佢會瞓好耐架,冇理由企响度呆等啫~~
唔緊要啦,總算見過面嘛!
周圍掛滿Tama既相~~
車站內既cafe店~~
車站旁既商店。。。。
全部都係Tama精品,我哋忍唔住手買咗一大堆精品~~
畀完錢,店員攞咗套車長制服畀皓皓著。。。。
哈哈。。。意外驚喜,竟然有得同皓皓影吓車長look~~
影完相,出車站外行吓。。。。
其實呢度地方好細,冇嘜嘢睇~~
呢個係車站外形~~
本來諗住食士多啤梨放題,不過媽咪去問既時候,佢話冇位喎。。。。。
呢架車上面都有Tama圖案~~
臨走,再去望吓Tama站長,仍然係瞓到死豬咁~~
差唔多時間,我哋去番月台等車。。。。。
之前講過貴志川線有三種特別列車,
除咗Tama電車,仲草莓電車同埋玩具電車,
上網check班次既時候,知道玩具電車响呢兩個月暫停服務!
所以我哋走既時候就等坐草莓電車。。。。。
草莓電車外形。。。。
車廂內。。。。。
同Tama電車相比,吸引力差好遠~~
本來玩具電車都好有特色,車廂內有好多扭蛋機架,皓皓實好鍾意啫!
可惜冇得坐!
告別Tama站長,離開貴志駅,我哋就去下一個目的地喇~~
Tama係貴志駅唯一既噱頭,
呢度地方超細,但都幾得意同有特色既,
鍾意貓貓既朋友,不妨嚟睇吓呀!
Day 1~~待續
你好呀, 我想問你大概幾點到去到貴志,黑潮市場同埋Rinku Premium Outlet, 係outlet番大阪又要幾耐左右呀???thanks~~
回覆刪除