4月1日(星期一)
呢日又係family day。。。。目的地係川龍～～
之前都略有所聞呢個地方，裏面有兩間好舊式既茶樓，好多人會專登入去飲早茶兼行山～～而我哋一班人都講咗好幾次話搵日一齊去，不過次次都夾唔到時間間。呢日。。。。終於成事喇～～
大家約咗响荃灣集合搭van仔，九點鬆啲就入到去～～
嘩！真係好多人專程嚟飲早茶喎。。。。。人頭湧湧！
要自己拎個盤去攞點心，我哋坐樓上，為免要上上落落走咁多轉，所以。。。。。。
我哋一次過拎多啲。。。。。
影張大合照先。。。。。
Yeah～～開餐喇！啲點心味道唔錯呀！
食飽飽，周圍行吓～～
沿途經過大欖郊野公園～～
再行到去農場鮮奶。。。。
初初以為呢度地方好大，但原來唔係架。。。。
只係有啲羊羊睇。。。。
同埋有個地方畀人坐低食吓嘢～～
點心都未落格，我哋又坐低食～～
話明農場鮮奶，梗係要試吓佢哋既奶啦！
爸爸話都係鍾意飲十字奶多啲喎。。。。。
原來只係一條短短既小徑。。。。。
行完生態園，我哋就行番出去搭車出元朗，出到元朗又係搵嘢食。。。。
哈哈。。。。，係咁食，好開心既一日！
4月4日(星期四)
呢日係媽咪既復活假既last day，一於玩埋去啦～～
之前心心表姐見我吔去咗長洲踩單車，佢都好想踩喎～～所以呢日我哋又入咗長洲。。。。
同上次嚟長洲嗰日一樣，都係天陰陰想落雨咁。。。。
上次應承咗會畀皓皓自己踩一架車，今次要實踐諾言。。。。
唔計自己搬架單車落公園踩，呢次係皓皓第一次自己踩一架車～～
都有少少驚佢畀人撞低，所以我哋採取三文治式踩法。。。。。
心心表且帶頭，叫皓皓跟住表姐，爸爸媽咪就奠後睇住佢。。。。
期間有一次差啲炒車。。。。。好彩最後有驚無險！
踩完一粒鐘都唔夠喉，猛話要踩耐啲。。。。。
還完車去食海鮮～～
食完海鮮，再去公園玩咗陣就坐船走喇！
第二日皓皓要番學媽咪要返工，費事搞到咁夜啦！
4月10日(星期三)
呢日係幼稚園活動日～～模擬小診所！
顧名思義，就係畀啲小朋友扮吓醫生護士，扮吓病人，等佢哋認識吓睇病既流程，醫生護士既工作等等。。。。
呢個係護士look！
偷懶既護士。。。。
仲要hea到不得了，都唔主動協助醫生既？？？
呢轉扮病人，畀護士探熱。。。。。
皓皓真係唔夠專業喎。。。。扮病人竟然笑口噬噬既？
沒有留言:
張貼留言