4月13日(星期六)
呢日係九巴既開放日，記得前年我哋都參與過一次，皓皓仲玩得好開心添！
今年諗住橫豎冇嘜嘢做，就約埋軒軒表哥佢哋一齊去行吓。。。。。
門口位已經放咗架古董巴士。。。。
好多車迷圍住影。。。。。
再行入去，嘩！個個攤位都排晒長龍～～
上次嚟都有呢啲可愛既小巴士，不過今次超多人，見到都唔想排～～
我哋決定揀兩個攤位排都算喇。。。。
仔細挑選後，第一個攤位就係呢個。。。。
坐住架小巴士繞住路軌行一圈～～
皓皓見到就已經話想玩。。。。。
排就排咗半個鐘有多，玩就玩得幾分鐘～～
冇計啦！一場嚟到，冇理由嘜都唔玩就走架嘛？
第二個攤位。。。。。其實唔係玩遊戲，而係扮九巴小車長～～
有兩隻制服畀你選擇。。。。
軒軒表哥揀咗熒光綠嗰款；皓皓就著呢套灰色既。。。。。
呢豎都排咗好耐，不過好彩我哋兵分兩路，分頭排兩個攤位，
所以玩完小巴士，轉頭過嚟呢邊就差唔多影得相喇～～
因為好多人排隊，所以都唔好意思影太耐。。。。
咋咋林閃完十幾張相就走人～～
九巴開放日其實都幾多嘢玩，不過多人多到咁，睇到都怕怕，
下次再搞呢個活動都未必會嚟lu～～
之後標標舅父話，旺角火車站附近有間餐廳食鮑魚撈麵都幾好食，
於是我哋又齊齊去咗試。。。。都幾好食呀！
(不過掛住食，唔記得影相添！)
四月份雜記
4月27號星期六，本來想入大澳逛吓，不過朝早食得早餐嚟已經11點，
再meme麼麼搞一輪，最終都係覺得太晏喇，所以冇去到。。。。
但係難得爸爸一齊放假，又想出吓街。。。。
卒之近近哋，去咗CSW～～
先去行吓反斗城。。。。
行完已經三點，我哋一家都未食lunch，好鬼肚餓。。。。。
咁啱晒喇，我哋決定去食tea buffet～～
行過Park Lane 既Cafe One，突然醒起之前有同事講話佢哋既tea buffet唔錯，
所以撞入去睇吓仲有冇位，咁好彩。。。。
last有一張～～
食物款式幾多，味道都唔錯，用中銀仲有折添，一家人食，埋單都係四百零蚊，幾抵食～～
(尤其是我哋未食lunch，真係食到盡，wakaka！
呢條街經常都有唔同既擺設，呢期係兩大對Camper鞋～～
行完落Sogo買少少嘢就番屋企喇～～
夜晚，仲係好飽，所以淨係煮咗罐鮑魚同蝦子麵當晚餐。。。。。
不過皓皓唔食鮑魚齋食麵～～
4月28號星期日，媽咪睇廣告話樂富廣場搞咗個'日本街頭藝'既活動～～
又話有仿日本街頭街景，又話有日本街頭美食。。。。
去到先發覺。。。。流到不得了～～
街景？就係上面呢幾張；美食？係棉花糖炮谷，暈！
仲有。。。。廣告大大隻字寫住有日本超人戰士現身同觀眾影相～～
所以媽咪就滿心歡喜同皓皓嚟影相。。。。
等戰士期間，見到有一班cosplay人物，照殺！影張相先～～
終於等到戰隊現身。。。。嘩！真係製作粗糙。。。。
同真正既戰士造型。。。。差好遠囉！
相比之下，我哋仲堅！我哋真係帶埋把戰士槍去做影相道具呀(皓皓手上渣住嗰把)！
今次真係。。。。。認真便輸了！
不過對皓皓呢個戰士忠實蕃薯嚟講，已經相當滿足喇！你睇佢，笑意盈盈咁。。。。。
既然係咁，我哋又何必挑剔太多呢？係咪？
沒有留言:
張貼留言