BoBo表姑姐畢業la

覺得個標題熟口熟面？以為自己睇緊一篇舊既blog？錯喇！上次嗰篇係「BoBo表姐畢業la」，今次呢篇係「BoBo表姑姐畢業la」；冇錯！我個表姐同表姑姐係同名既，兼夾响同一年grad，再兼夾係同一間U，世事真係轎la，你哋話係唔係？

　　

　　唔同既今次唔係去CU影，而係．．．．

　　

　　認唔認得呢度係咩地方？就係香港公園喇！

　　

　　不過我全程勁扭計，所以差不多張張相都係'痴'住媽咪

　　或者嫲嫲個膊頭．．．．　

　　　　　

　　　攪到表姑姐都冇得自己一個同我影合照，所以媽咪

        　cut咗呢張相出黎！

　　　　

　　　　離開少少就開始扭．．．．

　　　　　　

　　　　　　唯有影埋媽咪個背脊．．．．

　　　　　

　　　最唔扭計就係响呢度喇．．．．下面有魚魚睇呃嘛！

　　　　　

　　　　　仲識得同啲魚魚say hello 添！

　　　　　

呢度係第二度冇嘜扭計既地方，點解？因為呢度好多五顏六色既波波！媽咪叫爸爸渣機幫我同波波一齊影相，結果．．．．大家睇唔睇到相既右上角呀？有十份之一個橙色波波咁大把囉，仲要影成５、６張都係咁，差啲激屎媽咪喇！

　　　　　

　　媽咪抱得咁辛苦，就係諗住我同奧運五環影張相．．．．

　　

但係爸爸真係有幾張影唔到五環架，就好似呢張咁！問你服未？

　　　　　

　　相比起我，家姐就乖好多喇，仲扮晒特首咁揮手添！

　　

嗰日我哋一家人同BoBo表姑姐既唯一一張合照，但係．．．．竟然．．．．BoBo表姑姐係未換畢業袍架！

　

 

到咗晏晝，爸爸媽咪同我去仲凱哥哥既生日會，因為有野食既緣故，我既心情明顯地比上晝好咗好多．．

　　

　　睇吓餐牌先，食嘜好呢？

　　

　　唔該一包shake shake薯條呃！

　　　　　

　　　　　吓！又冇我份？

　　　　　

　　　　　咁．．．．漢堡包都得卦？

　　

　　Hehe！我都有份玩遊戲！

　　　　　

　　　我同仲凱哥哥、哈哈哥哥玩騎膊馬，抱住我笑到

            見牙唔見眼既就係我哋既bear bear 熊契爺。

　　　　　

　嘩！阿b，你好浮誇呀！唔知以為你真係啜到d奶昔呀！