其實聽日先至係我既正日生日，不過爸爸媽咪要番工，所以就响尋日攪咗生日Party。攪Party之前，媽咪都有d猶豫不決，一來要自己落手落腳攪，好煩麻！二來我太細個，根本就唔識玩同enjoy個 party。三來媽咪太熟悉我喇，佢都知我唔係咁鍾意嘈喧巴閉既環境！不過．．．．話晒呢個係我皓皓bb出世後既第一個birthday，媽咪好想隆而重之，等我大個仔之後可以睇番d相，留個紀念，亦都順便當同屋企人、一班契爺、契媽聚一聚，所以就有呢個3.28生日party喇！
成個party用阿b既歲數------1字做主題。
件1歲生日tee係媽咪專登响外國d網站買番黎架！
生日帽都係有個1字．．．．
氫氣球都係個1字黎，不過呢個角度睇得唔清楚咋！
仲有，仲有，個橙色波波上面都有個1字．．．．
當然唔少得既．．．．係1字既蛋糕啦！
做嘜流晒口水呀，阿b？
原來想飲橙汁！
好多波波呀！
個紅色波波幾有動感！因為阿b响度大力fing緊嘛！
切生日蛋糕啦！
嘩！阿b偷食蛋糕！成手忌廉喇！
軒軒表哥仔一見蛋糕就異常興奮------佢以為自己生日，哈哈！
後面個佈置係媽咪構思架，靚唔靚？
家姐同我影張相做嘜要喊晒口呀？
你大細超呀，家姐！同波波影相你唔喊既？
軒軒表哥：好味！唔知仲有冇呢．．．．
哈哈哥哥唔落地玩既？
登登登登．．．．從未响我個blog度露過面既7豬丈出場喇．．．．
7豬丈，雖然媽咪知道你唔想上鏡，但冇計．．．．鬼叫阿b我除咗'痴'住媽咪之外，就淨係肯跟7豬丈你咩！想影唔到你？都幾難．．．．
人哋喊晒口你就笑晒口，你咩人黎架？
算你有番d人性，氹番人哋笑．．．．
各位，睇埋其他花絮片段之後，就俾一張全晚最精彩既相大家睇．．．．
全晚最精彩既相出場喇．．
點解阿b好似戴咗個假髮？多得7豬丈响後面天衣無縫既配合囉！
沒有留言:
張貼留言