３．３０～～我１歲la！

今日係我皓皓bb既１歲生日，因為上星期六已經攪咗生日party既關係，所以响正日既今日，我哋只係一家人出去食餐飯、揀吓禮物，但係都過得好溫馨同開心．．．．

之前爸爸响個blog度留言話會送份大禮物俾我既，你哋估吓係嘜呢？

　

　就係呢個琴琴喇．．．．

　

　我可以逐粒逐掣咁樣彈．．．．

　

　又可以亂咁撥啲鋼片．．．．

　

　Haha．．真係超好玩！

　

　除咗食飯揀禮物，仲有就係切蛋糕環節喇！

　

媽咪嫌生日蛋糕太大個，食唔晒好嘥，所以買咗呢個迷你復活蛋蛋糕仔．．．．

　

　但係點解搣唔到隻復活蛋落黎既，媽咪？

 

　　　　　　　

今晚阿b都好攰喇，又食飯又行街揀禮物，番到屋企仲要切蛋糕，攪到成十點幾先至瞓！你哋睇吓阿b幾攪笑，同papa一樣架，要攬住啲野瞓覺．．．．

　

瞓覺既時候媽咪心裏面同阿b講：只要阿b你第日唔嫌爸爸媽咪老套、唔嫌爸爸媽咪悶，我哋以後每一年生日都願意陪你一齊度過、一齊慶祝架．．．．

　　　　　　　

後記：３．３０的玄機～～

媽咪係一個好信天意既人，佢相信好多野都係整定既．．．．

媽咪原本book咗08年4月8日入醫院開刀，點知阿b我2月29日夜晚等唔切要出黎見爸爸媽咪，辦得入院手續同埋等得醫生黎，結果啱啱拖到3月30日出世．．到我出世幾個月後，爸爸媽咪無意中發現一個好巧合既事．．．．

　

就係呢張漫畫喇！呢幅畫係爸爸媽咪為慶祝拍拖10周年去日本旅行時畫既（因為佢哋拍拖之後第１次去旅行既地方就係日本），你哋睇吓個日期．．．

係2005年3月30日呀！畫完呢幅畫既三年之後既同一日，我就出世喇！你哋話幾轎呢？

仲有呀，講個秘密俾大家知，爸爸媽咪响6月尾結婚，7月頭有咗我，我係一個蜜月寶寶黎架，而我爸爸媽咪07年7月頭去honeymoon既地點．．．．又係日本呀！所以媽咪覺得呢啲一切都係緣份黎既！

仲有，上個禮拜媽咪醒起响Sogo買咗啲日本麵好耐都未食晒，所以拎出黎煮，順便睇一睇個到期日，哈！原來係．．

　

Haha！我皓皓bb整定同媽咪係兩母子黎架喇！