五月九日(星期日)
今年係同皓皓bb一齊度過既第三個母親節,上年爸爸代皓皓同媽咪講'母親節快樂',今年~~皓皓bb識得自己同媽咪講呢句說話喇,雖然呢5個字既意思皓皓bb一定唔知,但係媽咪都好開心呀,仲錄低咗佢講呢句話,得閒就攞出黎回味吓添
可能阿b仲細,媽咪真係無嘜諗過自己都係呢個節日既主角,反而仲停留响做女既階段,淨係諗住要同婆婆慶祝咋。。。。講真,婆婆真係好偉大,含辛茹苦咁養大我哋七兄弟姐妹,以前生活環境好差,但係婆婆都毫無怨言,咬緊牙關咁做苦力,日捱夜捱,慳埋慳埋咁供我哋讀書。。。。
今日,我哋呢啲仔仔女女個個都大喇,當然生活都好咗好多,不過婆婆係一個完全唔貪圖物質享受既人,我深信,我哋一家人和和氣氣、齊齊整整、開開心心,得閒就陪吓佢同公公,婆婆就已經會好滿足。。。。。
同樣地,只要阿b响媽咪身邊,健健康康、快快樂樂,對媽咪黎講,呢份已經係一份相當大既禮物。。。。
呢日我哋先陪公公婆婆飲茶。。。
飲完茶,我哋去做一樣好有意義既事~~
攪嘜呢?企响鬧市既街道上。。。。
睇真啲~~
原來今日舅父舅母同軒軒表哥幫Oxfam做義工呀!
你哋睇吓皓皓bb個樣幾咁疑惑。。。。
舅父舅母咁有心,咁我哋當然都要黎支持吓啦!
公公婆婆都託我哋幫佢兩個捐錢,
話要撐吓個寶貝孫仔喎!
好啦,就由皓皓bb代公公婆婆捐錢啦!
不過。。。。
阿b好似入極都入唔到張錢咁既?
唔知軒軒表哥仔係咪好唔耐煩呢?
都係由心心表姐代勞啦!
係喎,都唔記得講究竟軒軒表哥幫手義賣啲咩嘢呢?
呢~~就係義賣白米喇。。。
响元氣食壽司,等舅父佢哋賣完米之後一齊番屋企。
商場入面又有呢啲窿窿,阿b好鍾意玩。
等軒軒表哥賣完米黎到之後,再喪玩一輪。。。
咁都玩到好興奮,真係攪笑!
番到屋企就切蛋糕。。。
今年既母親節蛋糕既賣相都唔錯喎!
媽咪陪公公打麻雀既時候,
舅父芬姨就帶皓皓去公園吹bubble。。。
今日都幾開心~~
舅父舅母親子義賣白米,
媽咪帶皓皓去支持,
婆婆亦有捐獻做善事。
我哋都希望,自己幸福之餘,
都可以幫到其他有需要既人。。
出錢也好、出力也好,都係殊途同歸。
今日,婆婆、舅母、媽咪
都過咗個充滿意義既母親節。
沒有留言:
張貼留言