呢個禮拜媽咪真係忙到爆+攰到爆,因為勁多單嘢要趕响deadline前起貨,又要被迫參加一個勁辛苦既培訓,真係慘過擔泥!講得好好聽咁話係嘜嘢培養team spirit、嘜嘢學習解難技巧。。。。。媽咪就只係想引用星爺响唐伯虎套戲裏面既名句:汝家池塘多膠魚
呢個培訓唯一既得著就係,令到成身散晒既媽咪由尋晚九點幾昏迷到今朝七點幾,真係好耐、好耐、好耐未試過咁瞓法,好舒暢呀!
趁聽日放假,快快趣趣補番上個禮拜既blog先!
五月十五日(星期六)
今日爸爸冇假放,表姐又唔得閒,無咩特別節目,於是媽咪就單拖帶阿b去Cyberport 個Wise-kids playroom玩,呢度幾好,又近屋企,去到又唔駛點理阿b,hea hea吓咁就一日,唯一唔好就係唔俾影相囉!攪到媽咪要係咁偷影。。。。
朝早起身帶阿b去樓下商場食早餐。
去到商場例牌玩吓車仔。。。。
入完錢隻唐老鴨開始郁,阿b就要落地轉前面個波,
嘥咗媽咪5蚊,衰豬!
早餐緊係要揀阿b鍾意食既嘢啦~~
就係通粉喇!阿b食咗三分二碗,算多架喇!
再加包利賓納仔仔,飽晒!
瞓醒晏晝覺,就黎到Cyberport~~
見到啲水流落黎超興奮。。。
黎到playroom,媽咪要開始做狗仔隊喇
呢座廚房阿b玩咗好耐,唔願走。。。
猛咁話:開爐,煲粥粥。。
其中一角~~成地都係彈彈波!
咁多杯杯碗碗,啱晒阿b。。。。
嫌件袍阻頭阻勢,想除咗去。。。
又想學人戴面具,不過帶極都戴唔到。。。
哈哈,著粉紅色袍係咪好嬌俏呢?
渣住個餐牌,似唔似侍應?
好pro咁喎。。。。
講起pro,就要講呢排嫲嫲教識阿b講:professional!
好攪笑!不過諗極都唔明點解會教呢個字囉!
咦?阿b塊面污糟咗既?
唔係呀!只係畫花面扮老鼠仔咋!
呢隻老鼠仔係咪好可愛?
阿b名副其實係一隻鼠年出世既老鼠仔黎架!
响間公主城堡外形既屋仔度都玩咗好耐。
有咩好玩?冇架。。。。
開吓門、閂吓門、開吓窗、閂吓窗、出出入入咁囉!
原來臨尾仲有特備節目架。。。。
就係有幾個姐姐帶玩遊戲、唱歌、玩吓樂器咁~~
又幾好喎!
臨走至發現原來有個角落係俾小朋友畫畫、做小手工,
阿b好想玩,但係已經夠鐘要走,唯有下次黎過啦!
走喇,係時候要抺走面上既顏料。。。。
但係媽咪實在太鍾意呢個老鼠仔look。。。。
所以瘋狂地影咗十幾張相,然後至清潔塊面。
再睇吓玩具。。。。
阿b好似好鍾意隻bear bear。。。。
某程度上阿b都幾女仔架,竟然鍾意毛公仔。
指住隻斑馬話係狗狗,媽咪糾正佢,
但係佢堅持話呢隻係狗狗。。
坐火車。。。
疊高啲積木~~
然後又扮晒緊張咁,攪笑!
影到呢到,相機冇電,之後媽咪同阿b去吹bubble,冇得影低歷史既一刻~~阿b自己吹到個bubble出黎,吹到口水都流埋。。。。
再等爸爸放工,就出金鐘Great買嘢番屋企食,咁又一日喇!
咦,原來間wise kid入面有得玩架?我有時經過見到有呢個招牌仲以為係賣玩具架潻。皓皓好似好鐘意係度玩呀
回覆刪除[版主回覆05/30/2010 01:17:00]係呀,雖然要俾錢,不過都ok既。。。