我與家姐的破冰之旅～～

五月一日（星期六）

冇錯呀，呢篇blog同之前嗰篇講緊既都係同一日～～五一勞動節；上篇講到我哋買完外賣壽司番屋企，番到去見時間尚早，就攞晒'架餐'落公園玩，尤其是新買既包包超人吹泡泡，媽咪想試吓究竟吹出黎既泡泡有幾大個。。。。

嘩！啲bubble真係超級巨喎！

有啲直情大過皓皓個頭呀！

估唔到呢個bubble機都幾堅！

好啦，講番點解同一日既事要分兩篇blog寫？係因為我哋落公園撞到家姐呀！雖然係兩姐弟，又雖然住得好近，不過就好少撞到同埋一齊玩。最重要既，係兩個豆丁成日都好似水溝油咁，行埋少少都好抗拒，難得好似呢日咁影到咁多相呀！所以要專登開一篇登出黎。。。。

嘩！大伯好掂呀！一拖三。。。。

睇吓！家姐最初係行埋皓皓度少少都唔制架！

跟住我哋全程直擊兩姐弟既破冰之旅啦！

由出世到而家，佢兩個真係甚少合照架！

呢日仲要咁啱著埋同一款外套加牛仔短打，超襯！

玩到七點左右，家姐佢哋要番屋企喇！

呢日真係由天光玩到天黑，

皓皓玩到成身都係肥皂泡，

要番屋企大清洗喇！