身無彩鳳雙飛翼

五月一日（星期六）

前兩日皓皓bb唔舒服，斷斷續續有啲燒，醫生話佢有少少喉嚨發炎，亦有可能出疹喎！今日見佢雖然好番好多，不過都費事出咁耐街喇～～

呢副玩具係爸爸媽咪尋日出街既時候買既。

如果大家仲記得，呢副玩具之前買過架喇，

不過俾皓皓b玩爛咗！

爸爸知道皓皓勁鍾意玩呢個波波發射器，

所以見到間鋪頭番咗貨，就堅持要買俾個仔。

（媽咪有啲唔想重覆買）

皓皓見到，真係超開心喎！

嫲嫲仲話，皓皓尋日先至攞呢個爛咗既玩具既屍骸出黎，

扭晒計咁話要玩，

點知夜晚爸爸就買咗番黎。

真係身無彩鳳雙飛翼 ，心有靈犀一點通呀！

今次真係不得不寫一個服字俾爸爸～～

你哋睇！紮行晒馬咁將啲波波射向媽咪。

仲買咗呢個包包超人射籃。。。

又係紥行晒馬～～

不過唔係射；係擺落個籃度。。

最後索性成籃波仔攞過去。。。

逐個逐個擺入個籃度。。。

另外兩樣：迷你彈彈波同埋沖涼玩具。

最開心就係買咗個包包超人水泡（冇影相）同埋。。。

呢個包包超人吹泡泡。

好！一於等心心表姐黎到一齊落公園玩。

下晝陪爸爸出太子睇魚，

順便會合芬姨同心心表姐。

同綿羊羊合照～～

心心表姐又抱起阿b～～

難得抱嗰個同被抱嗰個都好enjoy！

睇完魚，買埋夜晚嗰餐嘢食就番屋企。

等緊外賣壽司既無聊時間～～

途經旺角街頭，真係好熱鬧。。。

好多哥哥姐姐sell手機，派傳單，送禮物。。。。

其中有三個哥哥仔圍住阿b，講：

bb，呢個電話好襯你呀，好型呀。。。

我諗佢哋做呢份工真係悶到發癲！

連bb都sell！