五月八日(星期六)
今日輪到同媽mi mi慶祝喇!難得爸爸响星期六有假放,緊係想發掘啲新既好去處啦!媽咪成日都好想去北海道睇花,好幾次同爸爸提起,都俾爸爸reject咗,佢話悶喎!又聽同事講蟠龍峽啲薰衣草都好靚咁話,但係爸爸對番大陸又非常之咁抗拒。。。。呢日媽咪提議去粉嶺既薰衣草園,難得爸爸一口應承,趁佢未反口之前,即刻出發啦~~
呢日唯一一張全家福,俾大家睇咗先!
呢度啲lavender都好靚,
如果爸爸肯陪媽咪去北海道都好喇!
好,即刻開始我哋今日既薰衣草園之旅~~
去到紅磡火車站,先醫醫肚。
隔離有個女人撩阿b,媽咪叫佢嗌'姨姨',
點知阿b話人哋係'婆婆',
好彩人哋聽唔到!
一黎到買飛既地方,阿b就已經'捕'住呢部八達通機。。
一攞到張飛,就即刻係咁拍、拍、拍~~
點解冇'嘟''嘟'聲既?
搭火車--最初都ok,
搭到沙田站左右就開始扭計話要落車,
唯有俾佢玩'吊環',
睇佢~~即刻笑晒口,衰豬!
阿b你玩咩呀??
媽咪同阿b貼到成身都係蚊貼,
希望啲蚊咬媽咪好喇,千祈唔好咬阿b。
行到金魚池,即刻好興奮咁嗌'魚魚'~~
一本正經咁响度等~~
等嘜?就係等爸爸去買魚糧餵魚魚。
爸爸咁耐都未番黎架!
啲魚魚游晒埋黎等緊我呀!
番黎喇!番黎喇!
爸爸快啲拆開包魚糧俾我啦!
攞魚糧~~
撒魚糧~~
再撒~~
好興奮~~
爸爸話阿b撒魚糧撒得好有氣勢
兩仔爺神情好一致!
爸爸話整'V',阿b即戙起一隻手指仔,好攪笑!
見唔見到皓皓bb個拳頭仔呀?捏得好緊架!
因為佢見有隻butterfly就快飛到佢面前,超緊張!
餵完魚魚,行去睇薰衣草,沿途見到有兩朵好靚既荷花。
呢度就係薰衣草既種植場~~
好開心!同阿b影咗好多相。
媽咪緊係唔會錯過同阿b合照既機會啦~~
媽mi mi,呢朵花送俾你。。。
(媽咪自己幻想既對白)
呢度係俾人自製香薰水晶蠟燭。。。
阿b當然係攪攪震,冇幫襯嗰個啦!
玩搖搖板~~
爸爸好high,唔記得坐對面嗰個係自己個仔,
越搖就越高~~
問阿b好唔好玩,佢答:好好玩!
呢隻鞦韆阿b當然唔識坐。
爸爸一路推一路扶住,個人就跟住個鞦韆'tun'前'tun'後,
攰爆!但阿b就勁開心,
猛話'好好玩'。
呢架機要入錢,但係又唔係汽水機。
究竟係咩呢??
答案揭盅~~
入兩蚊,呢條彩虹通道就有水氣射出黎。
玩完,即刻要補充水份。。。。
最後去到有機農埸,但係已經冇士多啤朵摘lu!
只係得蕃茄呀、豆呀咁。。。
最後我哋只係買咗兩條有機栗米就走喇!
呢日阿b真係玩到好盡興呀!
跟住我哋去咗佐敦既金山樓食海鮮,
今日既慶祝活動媽咪相當滿意,
因為見到阿b佢玩得好開心呃嘛!
happy mother's day! 呢日玩得好開心wo~~有皓皓bb陪住你已經係最好既禮物laaa~
回覆刪除噢~原來粉嶺有個甘既地方...真係唔知@@" 睇薰衣草下次唔洗返大陸lu!
你地全家福好幸福, 你地3個都好餅印, hahaha!!
皓皓b笑得好燦爛!!!
[版主回覆05/16/2010 23:01:00]皓皓爸爸抗議喎..............佢話皓皓bb淨係似佢唔似我喎
個薰衣草園好似幾正噃,又有魚睇又有得玩!我地連士多啤梨園都未有機會去呀,就黎熱又更加唔會去潻
回覆刪除[版主回覆05/16/2010 22:59:00]係呀,再熱啲真係唔好會,中暑都似...............