近呢兩個禮拜有好多生日飯局呀,公公啦,嫲嫲啦,bear bear 熊契爺啦,三個飯局一餐食酒樓,一餐食buffet,一餐就係食泰國菜。。。。
公公生日飯局嗰日影既相。。。
呢架戰車係軒軒表哥仔既!
好抵既一架電動車,响網上訂,
運費仲貴過架車本身。。
每年公公婆婆生日都會响酒樓整番兩圍。
係呀,我哋全家到齊,要兩圍至夠坐。
未開席前同心心表姐喪跑~~
心心表姐鍾意睇書,阿b又有樣學樣。。。
不過佢真係無嘜耐性睇。。
只係攞黎玩囉!
鏡頭一轉,就黎到嫲嫲既生日飯局喇!
呢日我哋响InterContinental 食buffet。
以前媽咪有個朋友有貴賓卡,所以成日食;
自從無咗張卡,好耐冇食lu。。。
阿b好滿意佢自己張私家椅。
食咗兩粒鐘阿b都冇'lur'落地,呢餐真係食得舒服~~
全程自己'筆'嘢食。。。
又諗起大肚嗰陣黎呢度食,因為唔食得生冷嘢,
就靠食呢個翅黎番本,
嗰次好似食咗5、6碗呀!
因嘜事食食吓嘢嘟起個豬咀呢?
原來吹緊枱上支蠟燭~~
甜品~~都唔錯!
不過一輪衝鋒之後,個肚已經冇嘜位擺甜品。
阿b又擺出一啲好浮誇既食提子樣。。。
呢度仲可以睇夜景,幾好feel呀!
叫佢影相,佢又掛住吹蠟燭~~
阿b自己點朱古力醬,覺得好好玩。。。
玩完又想再玩。。。。
自己'筆糖糖',勁興奮囉!
兩個鐘眨吓眼就過,走lu。。。
至於bear bear 熊既生日飯局,媽咪就唔記得影相,我哋食咗生蝦刺身、龍蝦、花甲等等等等,真係勁好味呀!
沒有留言:
張貼留言