媽mi最錫？？

阿b原來真係出疹，好彩佢胃口都算ok，

但係都有斷斷續續咁發燒，希望快啲好番啦！

星期日响7豬丈屋企玩既時候影既。。。

將啲櫈仔搬出搬入～～

咁都玩一大餐。

又講吓阿b啲攪笑嘢先～～

某朝早，阿b指住個電視組合櫃係咁扭計，話'要手指公'；媽咪真係唔明囉，唯有逐樣逐樣攞起問佢：係咪要呢樣呀？攞咗四、五樣嘢都唔啱，阿b就淨係扭住講'手指公．．．．'俾佢玩死！

最後媽咪攞起本幼稚園送既學習紀錄冊，阿b終於笑晒口咁伸手接，紀錄冊入面有好多幅佢自己整既小手工。

哦～～～原來手指公即係小手工。

見詩詩表姐行開咗，就即刻霸住張枱仔扮寫字～～

咦？？？

未見過擦膠，唔知係嘜東東。。。

每晚陪阿b瞓真係好溫馨架，佢會係咁答你問題，又會攬住你、摸你耳仔、錫你，媽咪真係要好好珍惜呢啲時間，因為唔知邊日，佢唔會再需要你陪瞓，唔會攬你錫你．．．．．

睇吓佢幾嗲～～

又伸晒手'lur'媽咪抱喇！

以前媽咪有鋪儲hello kitty癮，

呢日摷櫃桶既時候咁啱見到呢個髮夾，

就夾落阿b個頭度。。

不期然又諗：媽咪有個女幾好呢～～～

前兩晚臨瞓前媽咪問：阿b，你最錫邊個呀？阿b答'最錫媽me me'；跟住媽咪又問：咁媽咪最錫邊個？平時佢會答'媽me最錫皓皓'，呢晚隻衰豬仔竟然玩媽咪，話：媽me最錫麻雀．．．．．真係俾佢吹到'啤'一聲。

u，Ho Ho bb！