原來阿b個朵咁響架喎！

嫲嫲平時湊阿b，每日都會同佢落公園玩，嫲嫲話，公園嗰度好多人都識阿b。。。呢兩日媽咪陪阿b落公園玩，終於都見識到阿b既知名度有幾咁高！沿途一對公公婆婆見到阿b，就話：今日終於落黎啦，成個禮拜冇黎到！

（註：因為上星期超凍，嫲嫲驚凍親乖孫，匿响屋企之餘仲同阿b紥到成隻糭咁。）

去到公園，啲姨姨呀都係咁樣講，聽嫲嫲講原來佢哋仲同阿b起咗個朵，叫'靚仔哥哥'或者'大眼哥哥'。。。今日先知阿b個朵咁響，真係失敬失敬！

終於敢'sir'滑梯喇！

由頂'sir'落黎都唔驚。。。

仲要即刻爬番起身。。。

要再'sir'多一次！

連呢條長啲滑啲既都唔驚喇！

（全靠呢個唔識個'驚'字點寫既爸爸訓練既）

阿b你兜起隻手仔做嘜？

原來响度接緊啲bubble。。。。

越玩越興奮。。。。

仲索性走去人哋既媽咪前面。。。。

等人哋吹啲bubble出黎！

呢！吹緊bubble既媽咪個仔仔撲啲bubble撲到扒晒地添呀！

見阿b笑成咁，就知bubble既魔力有幾大！

再睇埋第二日落公園玩啲相～～

推單車特登撞牆，曳豬！

衝落滑梯一刻～～

咦？阿b嘜你著到咁yeah既？著芝麻街襪襯涼鞋！

哈哈！咪就係嫲嫲既傑作囉！

嫲嫲最鍾意同阿b咁樣著，

幾有個人風格！