11月14日(星期六)
今日同皓皓b試第二間playgroup，玩既模式同上次嗰間差唔多，只不過上次係用英文，今次係用中文。。。。相同既情況就係皓皓一啲都唔投入，又係唔啋miss，全程自己遊花園，係臨尾肯跟miss做吓動作咁。
今日就係响呢間上堂。。。。
今次用中文上，諗住阿b會投入啲。。。
點知。。。一樣！
媽咪話都係想搵間活動空間大啲，活動形式多樣化啲既參加！
上完堂，途經修頓球場。。。。
阿b入晒神咁睇人哋踢波。
呢度有好多雀仔，阿b不斷指住佢哋嗌'bird bird'！
媽咪漫無目的，都唔知去邊度好。。。
今日爸爸無假放，只係得媽咪單拖帶阿b，
唉，媽咪心諗，唔捱得好耐架喎，
阿b自己落地行少少都唔肯行。。
結果。。
媽咪同阿b跳咗上一架'叮叮'。。。。
反正媽咪今晚想食大閘蟹，就順便去銅鑼灣買埋啦。。。
媽咪成日影到啲相朦晒～～
不過呢張竟然有意想不到既效果喎～～
就係影到架'叮叮'好似行得好快咁，後面啲景朦晒！
阿b，你做嘜望住人哋笑呀？
橫掂黎開cwb，就順便四圍行吓啦！
呢度已經有好多聖誕既嘢賣喇。
肯坐定定，但都係唔肯望鏡頭！
咦？咩事突然跑得咁快？
原來係為咗睇掛响聖誕樹上面既公仔。
不過睇完都冇用，媽咪話唔買喎
睇緊嘜嘢定晒形？
睇個電動既聖誕老人自己爬上爬落囉！
最鍾意玩呢啲顏色鮮艷既波波。。。
post埋上星期同軒軒表哥仔既合照先！
難得咁共融既一張相
沒有留言:
張貼留言