去完表衣城同黃埔影聖誕相,呢日就到聖誕第三炮~~就係之前經過見到佢佈置緊既Harbour City 喇!
黎到尖沙咀,緊係同阿b去反斗城免費玩一餐先啦!
點知阿b一去到,就淨係推住架車仔响原地不斷兜圈,
係都唔肯向前行。。。
最後唯有~~媽咪引開阿b,爸爸靜雞雞推走架車!
好彩阿b發現之後冇發爛渣,
只係攤開兩隻手仔講咗聲:冇!
好多玩具都有掣禁,阿b玩得好happy!
鏡頭影到嗰個姐姐,見唔見阿b望到眼甘甘?
佢不斷想撩人玩,呢樣係阿b近排既轉變~~
佢比以前較接受同陌生既細路仔玩。
而家真係坐唔落呢啲bb玩具椅喇!唯有企响側邊玩!
禁完掣有音樂,阿b興奮到跳舞!
唔講大家唔知,阿b最近愛跳舞,
每日同嫲嫲睇金裝四大才子,佢就會扭籮轉圈咁跳舞。
阿b又認錯呢隻係pooh pooh !
阿b唔知運動方面叻唔叻呢?
似爸爸就~~充滿運動細胞;
似媽咪就~~成個運動白痴!
希望你似爸爸啦!
玩完反斗城,就去影聖誕相喇!
見到棵紫色聖誕樹,阿b拍晒手掌,
唔通佢覺得好靚?
今年既裝飾都唔係好過上年好多,好似好亂咁。。
原來出面棵聖誕樹仲大仲sharp!
望嘜呀?阿b?
啲裝飾一味得個多字,但係個感覺好似亂咁堆埋一齊咁。。
度度都係咁上下,好彩紫色都算幾醒神!
應該係今年既主題公仔,唔知有嘜名堂呢?
好,諗一諗下一炮去邊度影先?其實媽咪想去德福,因為今年德福成個場都係bear bear,好得意!不過咁遠,又冇嘜特別地方想行,爸爸唔係咁想去;媽咪其實都有啲矛盾,一方面又想同阿b影相,但一方面又唔想放假都要响工作既地點出現,真係要諗諗先!
沒有留言:
張貼留言