Happy Halloween

十月三十一日（星期六）

今日係Halloween，雖然我未知萬聖節係嘜東東。。。。

不過都响呢度祝大家Happy Halloween！

其實今日爸爸要番工，本來媽咪想等爸爸放工之後，搵間有halloween氣氛既餐廳食飯，不過爸爸好似冇嘜興趣，所以最終都係買外買番屋企食就算。。。不過都好，攰咗成日，番屋企抖抖都好。。。。

飲完維他奶，擔住枝飲管。。。。

係都要唔著褲，但係要著鞋。。。

俾佢激屎

我哋先去報名參加一個親子工作坊。

呢個小妹妹都係黎報名，到時我哋會一齊上架！

然後我哋去咗中環既一間playgroup度試堂，好就幾好，不過都ok貴！阿b全程借咗聾耳陳對耳，miss叫做動作佢固之然唔做；叫擺玩具佢又死渣住唔放；story time仲衰，個個乖乖咁聽miss話坐底，淨係佢响度遊花園。。就係咁樣，就過咗45分鐘。。。。鬼妹miss同媽咪講，話阿b臨尾開始warm up，第一次上係咁樣云云。。。。咁其實媽咪都冇預期佢會好乖咁上堂。點知坐的士番屋企途中，佢開始做番頭先上堂既動作～～雙手掩面然後打開。。。。原來佢一路遊花園一路都有留意人哋做緊嘜！番到屋企，佢都做番上堂動作～～成個人瞓落地然後'扇'上'扇'落，真係俾佢笑死！

响屋企瞓一覺，然後就諗住出發去灣仔第二間playgroup度試堂，點知媽咪真係大頭蝦，約咗三點鐘，但係就記錯咗三點半，結果冇得上。。。。最後我哋就約芬姨出銅鑼灣行街～～

响sogo有個女巫派糖，點知阿b咁唔識趣。。。。

一抱起就喊！

跟住去咗Time Square影相！

本來唔肯影。。。

俾粒糖佢食先肯勉為其難影幾張！

配埋個背景影出黎都唔錯喎！

一路影一路掛住食的嗒糖。。。。

呢個七彩爆頭正唔正？

十一月一日（星期日）

今日冇地方去，只係响公公婆婆屋企玩，食埋晚飯就返屋企。。。

電視播緊宮心計，兩個小豆丁就响婆婆公公間房度上演'攻心計'。。。。

阿b原本睇緊電視，見軒軒表哥企上床。。。

佢又唔執輸要企响同一個位置。。

軒軒表哥唯有讓位，自己走咗去畫畫～～

點知阿b又去爭。。。。

軒軒表哥怕咗佢，又讓佢。。。。

其實阿b唔係真係咁想玩。。。好曳！

不過軒軒表哥都唔示弱，即刻出廳特登攞個玩具電話引阿b。。。

（註：軒軒表哥根本唔鍾意玩電話）

阿b即中計。。。。

此時聽到軒軒表哥仔响度自言自語：

已經讓咗兩樣，又要讓。。。

媽咪為免兩個小豆丁鬥落去，唯有引阿b出廳。

睇怕阿b都係隻小小霸王黎架喇！