單車同樂日

十一月二十八日(星期六)

今日我哋一行十幾人去咗西九龍海濱長廊踩單車，今次係第４次同阿b踩單車喇，不過阿b就第１次自己坐車頭既位置，响海風徐徐吹送既情況下，阿b竟然舒服到瞓著咗，媽咪呢隻超級大懶豬仔，真係勁攪笑。。。。

要等標標舅父發號施令先至出發，所以响婆婆屋企玩住先。。

（註：論表情，論動作，阿b呢張拎住魚竿既相似唔似响度拉緊二胡？）

研究緊枝魚竿點樣玩？

卒之俾阿b發掘到枝魚竿既玩法。。。

就係用黎釣－－衣夾！

黎到海濱長廊喇！

周圍都宣傳緊東亞運動會！

影吓無敵大海景先。。。

咁啱有兩位姐姐仔响度影緊沙龍，

佢哋問媽咪可唔可以借阿b俾佢哋一齊影。

媽咪心諗：阿b肯至算啦！

點知。。。阿b又肯喎！唔通真係異性相吸？

租車之前响公園仔玩番陣先。。。

阿b又發揮佢既曳曳本色：企上櫈仔，唔俾媽咪扶！

阿b跑黎跑去，勁high！

好大既原因係由於呢日唔係得佢自己一個玩。。。

有軒軒表哥仔一齊玩啦！

又有心心＆詩詩表姐陪啦！

其實仲有幾個軒軒表哥既朋友仔添！

所以睇番轉頭，最顛嗰個唔係阿b～

而係玩到瞓晒身既軒軒表哥仔

玩完公園，就去揀單車喇！

阿b：軒軒表哥，我唔係咁想同你同車喎。。。

軒軒表哥：唓！大家咁話啦！＃＠︿＆＊

阿b：等我試吓架戰車先！

（嘩！阿b你就跌就跌咁，好牙煙喎！）

都係四個轆呢架穩陣啲。。。。

又舒服啲。。。。

仲可以一路坐一路嘆嘢食添！幾爽呀！

（阿b，我哋知你嘆啦，如果唔係都斷估唔會坐坐吓瞓著咗啦！）

呢！阿b就係咁俾媽咪用件衫綁住當安全帶坐响前座喇。。。

而家勁鍾意將啲凍既嘢放响自己塊面上，然後扮打冷震。

阿b，你又扮飲嘢。。。

爸爸唔知又話媽咪俾凍嘢你飲架喇！

扮到咁似，仲以為你幫雀巢賣緊廣告添呀！

沿途見到呢兩隻東亞運動會既吉祥物，又停低影張相先啦！

踩完一粒鐘單車，大家坐晒响度抖一抖。。。

食吓嘢飲吓嘢。。。。

阿b都唔執輸喎。。。

坐完一粒鐘單車都未夠喉，仲要霸住人哋架單車仔黎坐。。。

架單車仔其實係呢個同阿b差唔多大既妹妹仔架！

呢班細路仔真係精力旺盛，抖一陣又再去公園仔喪跑。。。

阿b捐黎捐去，唔攰架咩你？

你哋睇阿b笑得幾開心！

媽咪真係覺得有小朋友陪住玩既時候，阿b係會玩得興奮啲，投入啲！

雖然阿b你冇哥哥姐姐，但係好彩你有好多表哥表姐，

呢個亦係媽咪成日都帶你搵表哥表姐玩既原因！