靄婷表姐畢業

十一月十五日(星期日)

今日我哋去咗樹仁大學同靄婷表姐影畢業相，不過天公不造美，天陰陰，落住毛毛細雨，天氣仲好鬼凍添。。尋日皓皓bb有少少鼻水，食咗藥好番啲，媽咪幾驚今日吹一吹風又再攪到阿b唔舒服，好彩冇事啫！

我哋黎到樹仁大學喇！

估唔到可以影相既地方比想像中少好多！

呢個就係我既靄婷表姐。。。

每次佢見到我。。。。

都會大嚷：阿b，呵啖表姐啦。。叫聲表姐啦。。

即使我表現冷淡，無動於衷。。

佢依然會鍥而不捨咁繼續叫。。

靄婷表姐＆BoBo表姐

今日影相，令媽咪諗番好多幕有關表姐細個既片段～～

靄婷表姐係媽咪第一個姨甥，

以前逢星期六，媽咪同芬姨就會千里迢迢入屯門同表姐玩，

第一個睇到表姐學識開步既人唔係姨媽呀，係媽咪！

又諗番表姐初初番小學嗰陣既經典場面：

每次入到油天小學就會大喊咁衝番出黎，

朝早又會扮肚痛唔想番學。。。

眨吓眼，今日佢已經畢業喇。。。

表姐，我同媽咪祝你前程似錦。。。

阿b同詩詩表姐睇嘜嘢睇到咁入神？

但係心心表姐就冇眼睇喎

兩個表姐受到媽咪既指令～～挾住我影相！

表姐會聽媽咪支笛，但係軒軒表哥仔唔會。。

叫佢同阿b影相。。。。

佢會專登唔望鏡頭。。。

當然。。。阿b都唔好得好多，都係擰側塊面。。

軒軒表哥仲開始越移越開。。。。

阿b行埋啲，佢就退開啲。。。

結果只係影到咁既合照！

全程cool爆唔笑既阿b，竟然响度閘前面玩到'卡卡'笑，

莫名奇妙！！！

影完畢業相，响銅鑼灣等的士番屋企。

媽咪忽發奇想：兩個表姐都响自己讀間U度影相，

唔知到紹鋒表哥畢業，我哋會唔會專登上北京大學影呢？

呢晚，爸爸媽咪帶我去北角同一班契爺食飯。。。。

哈哈哥哥好熱情，成日攬住阿b。

一齊跑黎跑去一齊玩。。。。

仲一齊响呢度行catwalk。。。。

可惜阿b唔係成日見到哈哈哥哥，唔可以成日一齊玩。。。。