十一月二十一日(星期六)
尋晚媽咪睇雜誌,知道青衣城攪緊慶祝Sanrio50周年既活動,見啲相影出黎幾靚,就約埋心心&詩詩表姐佢哋一齊去。。。。
執正個look出發先。。。
响奧運站等心心&詩詩表姐。。
阿b自顧自咁响度喪跑!
去到已經好多人排緊隊,咁既環境,我哋緊係縮沙啦~~
至少排一粒鐘喎!
唯有响會場出面影幾張相算數!
當然影出黎既效果同响裏面影相差好遠。。。
不過冇計啦!
我哋趕住番去同公公婆婆食飯。。。
媽咪仲話諗住搵達靚啲既地方,作為我哋今年既聖誕第一炮。
唯有睇吓第日有冇時間再黎啦!
跟住我哋去咗pizza hut食嘢。。。
因為阿b太多手喇,我哋倒瀉咗2次汽水,真係樣衰。。。
離開嗰陣,呢度既姐姐送咗佢哋每人一個扭扭波。
阿b成日想搶埋佢哋嗰個波波~~
攪到兩個表姐將個波有咁遠擺咁遠。。。
食完嘢我哋就走喇,
呢個係响港鐵站口既宣傳擺設。
皓皓bb著住件皮褸好型仔!
回覆刪除[版主回覆11/25/2009 21:14:00]件皮褸其實係女裝款,不過見著得幾靚先至買.....
皓皓bb today's look超型仔!!! 今次佢影d相有多左笑容wor, haha
回覆刪除[版主回覆11/25/2009 21:13:00]係呀,可能呢日瞓得夠至出街
第一張相個效果好特別呀! 我都聽講青衣城好靚, 搵日都要去影下相先得
回覆刪除[版主回覆11/25/2009 21:12:00]靚就幾靚,不過其實只係佔一達好細既地方......
回覆刪除呢個做型正呀
[版主回覆11/28/2009 00:41:00]第一次試件皮褸喊到鬼殺咁嘈,後尾知出街先至就範.....
only love papa!!! i brought one is 'i love mama" yeah!
回覆刪除[版主回覆11/28/2009 00:40:00]唔係呀,仲有一件'i love mama",不過大件得滯未著得住.....