十一月二十二日（星期日）
記得上年帶阿b去咗好多唔同既地方影聖誕燈飾/裝飾既相，今年都唔例外。尋日聖誕第一炮就去咗青衣城，今日我哋就約咗軒軒表哥啦，心心表姐啦去黃埔花園。。
我哋先去呢度間超大既冒險樂園玩。
皓皓唯一夠高度玩既機動遊戲～～坐火車！
今次坐到火車頭喇！
你哋睇皓皓排隊嗰陣個樣幾咁期待！
第一列火車未輪到佢，架火車開嗰陣佢仲扁咀喊添呀！
點知排到既時候個工作人員何其認真，
竟然要同皓皓b度高！
媽咪心諗：唔係玩嘢呀嘛？上次都係咁坐啦！
唔俾坐既話，阿b實好失望！
好彩一度之下，阿b啱啱夠高！
後尾軒軒表哥＆心心表姐都有玩。
阿b既飛佛～～扭呔盤。
見到個細路玩，想去搶呔盤！
媽咪即刻阻止。
阿b好認真咁望住個熒幕。。。
唔知以為你真係玩緊呀，皓皓b！
淨係坐火車要駛錢，其餘既阿b齋摸已好enjoy！
不過我諗呢啲'縮數'唔諗得好耐。。。
相信好快阿b就真係'lur'要入錢玩！
玩完冒險樂園，去吉之島買嘢食。。。
估吓阿b食嘜食得咁起勁？
咪就係蟹柳卷囉！
見表哥表姐食得咁凌厲。。。。
佢又要爭埋一份。。。
食完就去影聖誕相喇！
阿b真係同心心表姐一齊影會特別開心架喎！
最鍾意呢個聖誕擺設。。。。
可以將阿b成個人放落去扮禮物。。。。
阿b仲坐到唔捨得出番黎。。。。
軒軒表哥仔埋去一齊影啦！
話一齊影，但係其實冇一張係一齊望鏡頭既。。。
今日都影咗好多相，真係開心！
响黃埔玩完之後就番婆婆公公屋企食飯，食完飯就切魔鬼蛋糕～～今日係BoBo表姐生日，聽日就係康莉表姐生日，所以每年佢哋都會一齊慶祝！
一拎個蛋糕出黎，心心＆靄婷表姐就埋位影相。
咦？點解唔係兩位主角既？
主角一～～BoBo表姐
主角二～～康莉表姐
阿b個樣超木獨，因為佢眼瞓到就黎暈低。。。
連爉蠋都唔識吹。。。。
但係表姐們話想同阿b一齊切蛋糕，咁緊係如佢哋所願，
幾眼瞓都留低切埋個餅先啦！
結果阿b張張相都係咁既表情～～
我諗阿b個心早已飛咗番屋企張床度喇
啲相影得唔靚，唯有响度祝兩位表姐
身體健康，事事如意！
沒有留言:
張貼留言