open top sightseeing bus

十一月七日(星期六)

今日好開心，爸爸放假，可以同我哋一齊出去搵節目，yeah～～

不過今日啲行程都幾攪笑，因為我哋不斷咁穿梭港九：首先响香港呢邊出發去尖沙咀，然後坐船過中環，再坐觀光巴士落金鐘，响金鐘行番去中環，又坐番巴士過九龍同公公婆婆食晚飯，最後返屋企。。。。係咪齋聽都覺得好攰呢？

首先去壽司廣嘆個lunch。。。

飲檸檬茶個樣幾得戚！

係海港城睇名錶試靚車－－果然係男仔呀吓！

行去碼頭，途經海運。。。。

原來已經開始佈置聖誕，

媽咪不禁又諗起上年同阿b睇燈飾。。

恍如昨日。。。

認唔認得呢度？文化中心呀！

呢位伯伯邀請阿b做佢既小模特兒。

阿b唔識擺甫士，好彩媽咪都捕捉到阿b好多唔同既表情同動作。

文化中心入面竟然有胡桃夾子。。。

想佢企定定影？no way 啦！

坐渡海小輪過中環。。。。

心心表姐恨咗好耐坐開篷巴士架喇！

今日終於如佢所願。。。

天氣好好呀，加埋一陣陣既涼風，好舒服！

大家响呢幅相係咪睇到阿b有５隻牙呢？

其實佢只得４隻架咋！

點解有第５隻？佢出古惑囉！

第５隻其實係。。。。

tic tac 糖黎架！真係好攪笑！

行落中環，途經教堂。。。。

心心表姐去咗前面祈禱。

祈完禱就番黎同我玩喇！

芬姨，唔好响後面'吱'我啦。。。

成日叫人哋幫佢開葡萄適。。。

落到中環，阿b開始好眼瞓！

坐巴士出九龍，阿b終於忍唔住。。。。瞓咗！同公公婆婆佢哋响佐敦食完飯，再陪軒軒表哥仔去永安買Thomas車車。。。。

咪睇阿b好似好沉迷咁唔捨得放手，其實佢只係架架摸吓，

摸完就擺番低。原本媽咪諗住買架俾佢，結果。。。慳番！

去完永安，食埋松記糖水，然後返屋企lu！

爸爸，如果你可以多啲同媽咪一齊放假就好喇！