歷史見證的一刻

嫲嫲成日話阿b同爸爸既成長過程十分十分相似：好似爸爸十一個月至出牙，阿b仲遲，歲幾至出牙，而家就黎一歲八個月仲係得４隻牙仔；爸爸好遲先至識行，阿b都係一歲三個月先肯甩手開步行；爸爸有個怪癖，就係鍾意摸人啲既耳仔耳珠（呢個就係媽咪唔穿耳既一個原因），阿b神奇地，呢兩個月開始都出現咗呢個怪癖，尤其瞓覺既時候，一定要人俾隻耳仔佢摸。。。。

而爸爸出世係單眼皮既，直到兩歲幾三歲先至變雙眼皮，所以嫲嫲爸爸都深信不疑，阿b既單眼皮有朝一日都會變雙眼皮，媽咪就諗，係咪真係咁神奇呀？

點知呢日（十一月二十五日）阿b瞓醒晏晝覺，就真係離奇地。。。。

左眼變咗雙眼皮呀～～

仲要係好深好深既雙眼皮。。。

但係右眼就仍然係單～～

咁樣好似變咗大細眼喎＠＠

阿b，唔好咁開心住。。。

話唔埋只係曇花一現，聽朝瞓醒變番單眼皮都唔定呢？