三月六日(星期六)
今日爸爸放假，所以我哋決定去一達遠啲既地方玩～～錦田俱樂部。黎呢度既原因全得一個，就係俾我皓皓bb同心心表姐摘士多啤梨，話說心心表姐知道咗今日既行程之後，興奮到不得了呀
去到錦上路，見到好多檔攤，仲見到好多我鍾意既轉轉風車。
黎到喇～～嘩！呢度有好多馬馬呀！
我騎呢隻馬似唔似白馬王子呢？
其實啲馬識郁架。。。。
心心表姐就好啦，識得策騎隻馬。。。
阿b係咁吊住心心表姐尾。
點解我搖極隻馬都唔識郁既？
呢度仲有一大片草地。。。
媽咪話最適合俾小朋友喪跑喎！
點知吹泡泡既時候，阿b因為响草地唔係咁敢跑，
所以淨係叉開兩隻腳企咗响度
媽咪仲買咗呢樣佢兒時既玩意～～唔知用啲嘜嘢膠吹成既波波。
不過對阿b黎講，呢個只係另類既bubble。
呢度就係士多啤梨園喇！
而家係咪算當造既季節呢？啲士多啤梨比想像中大粒喎！
阿b落田～～有啲驚驚！
可能係因為落完雨，個地'淋淋'地。
睇吓阿b無人扶自己企响度既表情～～
好嫌棄呀！
佢仲要郁都唔夠膽郁，攪笑！
媽咪靈機一觸～～俾個籃佢渣手，
果然個樣寬容咗好多。
好鍾意呢兩張～～阿b啲表情成個女仔咁。。。
心心表姐～～摘莓過程全程high爆，係咁跨過一行又一行既士多啤梨。
落完雨個地好跣，好幾次差啲撻低，
最後勞煩爸爸全程傍實心心表姐。
呢個果園真係幾大～～
收成照～～
點解心心表姐嗰籃滿晒，阿b你嗰籃得兩粒既？
除咗士多啤梨，仲有其他植物。。。
呢隻係咪叫四代同堂呢？？？
啲太陽菊好靚呀！
我哋總共摘咗磅幾既士多啤梨，埋單80幾蚊，
有得食有得玩，超抵呀！
沒有留言:
張貼留言