三月四日(星期四)
媽咪成日同自己講:人要知足,你已經好幸福,由細到大行既路都算順暢,所以唔應該埋怨呢樣埋怨嗰樣。。。
不過,面對排山倒海既工作,少不免都會呻吓;有時遇到啲唔公平既工作分配,心情都幾down,好似今日,又有啲額外既唔屬於自己分內既工作。。。。唉!大佬!唔同部門有唔同既工作,呢啲叫'各有所司'呀!聽過未呀?唔係既話駛鬼分部門咩?我做埋你部門既嘢,'豆'埋你份人工咩!
想呻,搵邊個?爸爸?佢實會話:嘩!你咁都話辛苦?咁我咪仲辛苦。。。。算啦!出黎做嘢係咁架啦。。。。。喂!你'豆'幾錢人工呀?你已經好好架喇。。。。唉!我都係想呻吓啫!唔係想得到咁既回應!所以都係唔同爸爸講喇。。。。
但係真係冇嘜心情留响office做嘢。第一時間就係諗到番屋企陪皓皓玩。皓皓,你知嘛?你就係為媽咪消憂解悶既良丹妙藥!
同媽咪玩射波波玩得好開心。
(皓皓手上嗰個係發射器)
媽咪叫皓皓攬住彈波影相,佢即刻照做,仲翹起個pat pat。。
繼續擺pose,笑屎媽咪同嫲嫲。。。
媽咪叫皓皓整'V',佢即刻豎起一隻手指仔。
番屋企同皓皓玩一輪,嘜嘢煩惱都拋諸腦後~~
皓皓,沿路有你,媽咪真係覺得好幸福又好幸運。
同場加映~~
3月2日同烏蠅媽慶生
@稻香。。
烏蠅契爺。。
bear bear 熊契爺。。。
烏蠅契爺既媽咪。。。
話明慶生,緊係有壽包啦!
沒有留言:
張貼留言