皓皓bb兩歲喇！

仔仔，２歲生日快樂！

願健康、平安、喜樂永遠伴隨著你！

很愛你、很愛你的

爸爸＆媽媽

           

原本諗住今年响皓皓最鍾意既M記幫佢攪生日會，不過諗諗吓都係唔好喇，橫掂皓皓咁細個又未識玩，又冇嘜朋友仔。。。。都係出年先啦！

我哋前日（即係3月28日）响婆婆屋企攪咗個小型生日會，都一樣咁開心！

未出門前响屋企好high，手舞足蹈！

芬姨送既包包超人汽水機。。。。

勁鍾意玩，直情唔俾人掂佢部機。。。

表姐們送既生日禮物。。

芬姨除咗送汽水機，仲送咗個包包超人公仔錄音機。

個公仔禁掣識彈黎彈去，得意到不得了！

到開餐時仍然顧住玩汽水機。。。。

今次生日會啲嘢食好雜，嘜都有啲。。。。

都好，迎合晒唔同人既口味。。。

點解軒軒表哥有機會掂皓皓部汽水機呢？

皆因舅父湊咗皓皓落街扭波波。。。

對呢隻公仔都好有興趣喎。。。

擺隻公仔响櫈上面彈，自己就响側邊jump～～

飲奶都要攬住唔放。。。

食飽飽落公園吹bubble～～

之前次次都係做拍bubble嗰個，

今次係都要爭住做'發放'bubble嗰個

終於成功'發放'bubble。。。

掛住玩，竟然踎响個地度成半粒鐘。。。

唔攰咩，呀仔？

將bubble射向舅父，舅父扮晒驚，皓皓就勁興奮～～

果然係隻百厭豬！

玩完公園就番上樓切蛋糕喇！

個Thomas蛋糕影相出黎都幾搶眼。。。

同軒軒合照～～

不過貌合神離。。

（相右面嗰個係洛洛表哥，响度狼吞虎嚥緊）

留意軒軒表哥仔全程睥實個蛋糕，終於忍唔住。。。

偷食

皓皓即刻伸手推開佢，張相影唔到咋！

皓皓，你都唔鍾意食蛋糕，唔駛扮晒流口水喎！

緊張時刻到。。。。

皓皓第一次自己吹蠟燭。。。。

呼。。呼。。。

終於成功！yeah！

呢個蛋糕唔錯喎，有得食又有得玩！

壓軸登場。。。。

爸爸媽咪送既包包超人電動單車！

可以向前，向後行，可以轉彎。。。。

傻豬仔皓皓玩到超興奮！

瞓覺時仲超識做咁對媽咪講：

I Love U, mami！

 真係冧死人喇，架車貴啲都值呀！