皓皓bb生日慶祝篇～part 1

為咗慶祝皓皓bb兩歲生日既大日子，我哋一家人入迪迪尼玩咗一日。上次去係爸爸媽咪結婚兩周年紀念，嗰時阿b差唔多1歲3個月～～仲記得馳車天地佢唔夠高玩、小熊維尼維修緊、玩小小世界嗰陣佢瞓著咗。。。。其實都幾好笑，好似無嘜玩過咁！今次再去，覺得阿b真係大個仔咗好多。。。。

＠欣奧站～～

＠迪迪尼列車～～

黎到喇！ ！

時間啱啱好～～就快到Disney Parade，

霸定個靚位先。。。

見阿b扣住個生日襟章，啲工作人員就送啲貼紙俾佢。

腸仔～～阿b既'飛佛'！

塞到成個口都係。。。。

又再狼吞虎嚥，不過。。。。阿b。。。。

你唔係啱啱飲咗枝奶咋咩？？

阿b好似知道等緊啲正嘢睇咁。。。。

竟然肯坐定定，冇扭過計。

開始lu。。。。。阿b望住架車越走越遠，

連有隻大米奇黎緊都唔知。。

睇完巡遊，我哋就開始玩、玩、玩喇！

望住史迪仔識得自己吹bubble，呆咗！

喂，我型唔型仔？

但係媽咪話打開塊鏡就成個傻仔基咁。。。

咁我都係閂番埋塊鏡先。。。。

我要做型仔，唔要做傻仔。。。

有塊板俾人寫字留念，我都唔執輸先。。。

見唔見到我個名呀？

放大啲。。。。

呢幅相真係要激讚爸爸呀，

竟然可以舉起阿b响右手面個窿，

自己個頭就乍現响左手面個窿。。。

全靠媽咪嚴厲既督導至可以完成呢個超難度動作。

明日世界呢個位，次次黎都要影。。。

排緊馳車天地，見到啲車車，

阿b已經擺出一個熱切期待既樣。。。

上車lu～～阿b已經急不及待扭呔盤，

爸爸就戇居居咁摷安全帶。。。

唔識渣車既阿b，係都要霸住個司機位。。。

佢仲以為係自己渣郁架車，超興奮！

後面呢個原本都想同阿b玩，我諗佢唔會驚，

不過可惜冇時間。。。

巴斯一見阿b，竟然興奮過我哋見到佢，攪笑！

你睇佢，眼甘甘望住阿b。。。

係咁撩阿b，可惜阿b無動於衷。。。

最後氹到阿b捉實巴斯隻手，

結果出現咗呢幅勁爆笑既全家幅～～

巴斯好似當爸爸係路人甲咁，

搵個背脊'得'住佢

因為放假實在太興奮既關係，媽咪尋晚４點幾至瞓，今朝未夠７點俾阿b摷醒，宜家睡魔急call，所以呢個迪迪尼篇要分上下兩part。欲知後事如何，請看下回分解。