皓皓而家上緊第三個既親子遊戲班,大大話話認識咗6位老師。有一晚我哋母子臨瞓前傾計,媽咪問:皓皓最鍾意邊個老師?譚老師?張老師?鄺老師...皓皓答:熊老師!然後又講:I love熊老師!
媽咪搲爆頭,諗極都唔明點解皓皓會鍾意熊老師,媽咪問佢呢條問題當日,佢只係見過熊老師一次。。。。直至上星期六上第三個親子遊戲班既第二堂,媽咪終於搵出真相。。。。
四月十日(星期六)
响親子遊戲班咁多個活動當中,皓皓既最'飛佛'~~
'筆'豆豆!
皓皓玩到極度投入~~
記得上一堂係皓皓第一次玩'筆'豆豆,佢玩到唔肯入課室。
到老師要清場冚埋個蓋既時候,佢喊到好淒涼!
媽咪終於醒起皓皓鍾意熊老師既原因喇~~
話說上次皓皓玩體能活動既時候俾個哥哥撞親,
嗲爆既皓皓即時喊到收唔到聲。。。
熊老師埋黎氹番佢:老師俾皓皓玩'筆'豆豆好唔好?
然後拖佢過去打開個蓋俾佢玩。
皓皓第一次玩就瘋狂地愛上呢個小玩意,
所以我估熊老師响皓皓眼中係一個天使黎架!
玩遊戲既時候影既。。。。
不嬲上呢啲遊戲班都話唔俾影相,所以上第一堂既時候媽咪都冇影。
點知見有個家長全程肆無忌憚咁影都冇俾人話,
咁今次第二堂媽咪都影囉!
跟住音樂打拍子。。。。
臨落堂响課室等攞禮物&今堂做既小手工~~
呢~~我手上渣住既就係今堂既禮物&小手工。
禮物係孖寶蛋糕一個。。。。
小手工係嘜呢??
就係呢個用泥膠整既提子喇!
睇住孖寶蛋糕'sir'滑梯,皓皓覺得新鮮又好玩,笑到卡卡聲!
呀!第一堂既禮物同小手工既相唔記得放上黎~~
係一個毛巾蛋糕同埋生果籃。
皓皓以為個毛巾蛋糕食得既,即刻要求拆開。。
臨走又例牌坐呢架車~~
上完堂番屋企瞓個覺,瞓醒就出太子陪爸爸睇魚魚,點知只係出去打個白鴿轉,竟然又破財。。。。
就係呢個包包超人微波爐~~
HAHA。。。好玩!
整到好似真既一樣:又著燈,又識轉,時間夠仲會'叮'一聲。。。
咁鬼得意,真係過份!攪到又忍唔住手。
仲買咗粒好可愛既包包超人骰骰。。。
心心表姐,我同你鬥擲得大點數咩!
紥馬。。。。拋!
嘩哈哈!我嬴咗!!
除咗玩具,又買咗對涼鞋仔~~
好輕便,平時落公園著啱晒。
我諗皓皓直頭覺得熊老師頭頂有光環呀!個微波爐好靚呀,而家D細路真係好幸福呀!
回覆刪除[版主回覆04/17/2010 23:45:00]係啦,想當年自己一件似樣啲既玩具都冇,不過咁, 我哋啲細路冇玩具都自有尋找樂趣既方法.....
我諗皓皓直頭覺得熊老師頭頂有光環呀!個微波爐好靚呀,而家D細路真係好幸福呀!
回覆刪除haha 原來熊老師有絕招...比佢再筆豆豆...唔怪之得win左啦..haha
回覆刪除嘩...引C我啦!!!
我上網見過呢個microwave 啦...原來又幾大個喎...好正呀!!
很C我啦!!
[版主回覆04/17/2010 23:42:00]其實唔係好大個架咋,係呢,你係純粹上網睇圖片,定係可以上網買呀?如果係後者,可唔可以俾個網址我?
係呀,估唔到筆豆豆既魔力咁大,個個細路都勁鍾意玩.....
皓皓係咪唔夠訓? 見佢眼矇矇咁樣
回覆刪除[版主回覆04/17/2010 23:36:00]佢嗰日真係眼瞓,不過就算唔眼瞓,佢好多時都係眼矇矇咁........