四月一日(星期四)
今日係媽咪第一日既復活假,由於爸爸冇假放,所以只係帶皓皓bb响屋企附近玩,等爸爸放工就一齊出金鐘Great買壽司食。。。。
話說皓皓朝早起身响廳玩既時候,居然叫媽咪:煲粥粥。。。。唔通阿b已經睇穿咗懶精媽咪放假唔願郁,唔想入廚房煲粥?媽咪答:未買豬肉喎!阿b就細細聲咁覆述媽咪既說話:冇豬肉!冇豬肉!然後就逕自走咗去玩。。。。
晏晝落商場搵嘢食,問皓皓帶唔帶架戰車,佢話帶!
懶精媽咪加埋懶精爸爸,生出黎既當然係超級大懶豬啦!
呢架電動車對成日唔願落地行既皓皓黎講簡直係恩物。
不過由於爸爸未將架車叉足電,
加上皓皓經常性不適當咁轉彎,
令到呢程原本短短既路程足足行咗成20分鐘。。
諗住俾阿b'有米落肚',所以去吉野家食。
食完飯返上樓瞓晏晝覺,瞓醒就落公園玩。。
阿b話要吹bubble,所以帶埋响disneyland買既bubble槍落去。
不過枝槍比較麻煩,打側少少啲泡泡液就會漏出黎,
咁阿b當然攪到成手都係啦!
見到班哥哥姐姐玩,佢又好有興趣咁望住人哋。
竟然撞到懿晴姐姐呀!
阿b明明認得晴姐姐,但係又要扮晒怕醜,
真係支持佢唔住。
等爸爸放工就去金鐘買嘢食。。。
Great入面都有啲復活節既裝飾。。。
影咗成十幾張先有呢幾張正正經經咁個頭仔對正個窿窿。。
精彩復活假序幕之後記
原本係一個開開心心既復活假,但就發生咗一件好難過既事,令呢個假期蒙上咗一層灰,亦因為咁,所以媽咪遲遲都未update個blog。。。
不過事情已經過去,唔想再提,亦唔知從何說起。。。。只知道,有啲事情發生咗係冇得補救,就算你幾後悔都冇用。。。
心情平伏,生活依舊,但呢件事,肯定會一生一世都忘記唔到。。
你架車仔好型...電單車男!
回覆刪除[版主回覆04/10/2010 14:03:00]係喎,森仔咁鍾意玩車,呢款又啱唔啱佢口味呢?
架車單車勁呀!!即時變身劉華揸烈火戰車呀!
回覆刪除[版主回覆04/13/2010 00:43:00]係變劉華又唔拘呀