皓皓bb生日慶祝篇～part 2

上回講到阿b遇見巴斯，然後。。。。

當然係玩埋巴斯光年星際歷險啦！

見到啲嘢閃呀閃，眼都唔眨。。。。

爸爸係咁教阿b射槍，但係阿b呆晒基

玩完出黎見到玩具，又即刻精靈番晒！

阿b自己揀既bubble槍，買咗之後全程渣實唔肯放手。

排隊玩小熊維尼歷險之旅。。。。

本來自己坐，自己扶實，好地地。。。

仲周圍望啲公仔。。。。

點知。。。

爸爸媽咪唔記得咗有一段路會有少少上上落落，

阿b嚇咗一嚇，之後就唔肯自己坐。

玩完出黎仲眼泛淚光，面上掛住滴大大滴既眼淚添！

有冇咁驚呀，阿b？

爸爸媽咪都討厭玩咖啡杯，所以只响道具度影相。

yeah！黎到小小世界喇！

上次玩嗰陣阿b瞓咗覺呀！

呢！就係呢張相喇！

當日阿b攰到趴咗响架車既手柄上瞓著覺呀，陰公！

入去之前同爸爸影張相先！

今次坐船頭，無遮無擋呀！

可能阿b鍾意坐船，

又可能太多公仔响度轉呀轉，

又有可能首'世界真細小'好聽啲，

阿b明顯地比坐小熊維尼嗰陣relax好多。。

全程自己扶住欄杆四圍望。

　　

玩到七點左右就走喇，煙花都冇睇，

因為爸爸有個客突然話要簽單，

本來又約咗嫲嫲去鋸扒＆切蛋糕，

而家都要取消，真係掃興。。。

不過咁，有生意唔通唔做咩！

爸爸仲話阿b旺佢添，

因為連續兩年同阿b慶祝生日佢都有單開云云。。

咁希望下一年張單開早一日或者開遲一日，

唔駛一定要撞到正一正都得卦！

仲有，話就話七點走，

其實爸爸成個下晝都同啲客傾電話，

大家見啦，我哋同巴斯影相佢都渣住電話既，

難怪人哋巴斯當佢係路人甲乙丙啦！

佢成個心都飛咗去單生意度，

竟然同媽咪講：

唔同阿b坐space mountain喇呵？

俾阿b坐space mountain？你冇嘢呀嘛？

真係俾爸爸吹到'啤'一聲

第二晚都約番嫲嫲同表姑姐鋸扒～～

雖然過咗阿b生日，不過唔緊要啦！

Bo Bo表姑姐～～～

錫到阿b燶既嫲嫲～～

阿b掛住'虐待'舊cheese cake，係都唔肯望鏡頭～～

唔駛十秒，舊蛋糕俾佢篤到散晒。。

皓皓bb生日慶祝篇～～完