遲來的復活節相

四月十一日（星期日）

呢個禮拜標標舅父舅母帶咗軒軒表哥去日本旅行，所以呢日媽咪唔駛陪公公打麻雀（唔夠雀腳），我哋同姨媽、芬姨、心心表姐同詩詩表姐去咗Elements個公園玩。。。。

我哋先去稻香陪公公婆婆飲茶。

皓皓同心心表姐玩寧舍精神～～

兩個人玩嘜呢？咁既樣既？

呢樣嘢係皓皓自創既～～捏實拳頭打晒冷震扮緊張

飲完茶黎到Elements喇！

見到啲復活節擺設仲未拆，當然影番幾張相啦！

好大隻既貓貓。。。。

諗諗吓，呢個復活節都冇嘜影過啲有復活節擺設既相，

呢一輯，可以話係遲來既復活節相。

跟住去公園玩。。。

詩詩表姐陪皓皓玩搖搖板～～

又係呢個刺激既玩意，皓皓好似鍾意企响豎玩多啲喎！

另類玩法～～

不過隻皓皓蠢豬仔推得大力得滯，fing番轉頭嗰陣撞親自己。

心心表姐又幫媽咪照顧皓皓喇，真係乖！

玩完公園，就番公公婆婆屋企瞓晏晝覺。

呢一日就係咁樣平平淡淡咁過，都幾開心咩！