四月六日(星期二)
4號去咗公公婆婆屋企，5號去咗屯門拜山，媽咪心情低落，全日都無幫皓皓b影相；今日6號，舅父提議拉大隊入馬灣公園影相，好呀！橫豎媽咪都未去過，一大班人去又開開心心喎。。。。
出發前先去Spaghetti House食lunch。。。
响青衣站坐車入去，原來好快到，仲以為好遠。
經過沙灘，大家都飲恨冇帶任何'架餐'，冇得落去玩。
當然，最失望嗰個係最貪玩既心心表姐。。
阿b坐上隻雀仔度，郁都唔夠膽郁。。。
到喇！响入口度影張相先。。
10年4月6日，阿b到此一遊！
大貝殼周圍都噴緊水，佢哋影呢張影得好開心。
不過，軒軒表哥你做嘜匿埋响心心表姐後面？
終於影到張正正經經既。。。。
軒軒：水晶球呀水晶球，呢個世界上邊個最百厭？
阿b：咁都要問？斷估都唔會係我呱？？
行平衡木～～
阿b最初都細膽唔敢行，媽咪話扶住佢，
又睇到表哥表姐都係咁行至冇咁驚。。
呢度有好多介紹環保既指示牌。。。
玩完平衡木，又去第二區lu。。。。
呢度真係好多樓梯要行。。。
影張合照先啦！估唔到平時好難攪既軒軒表哥會乖乖就範，
所以呢張相影得好順利。
終於上到觀景台！好攰呀！坐低抖抖先！
食支雪條消吓暑！
大啖大啖'lam'。。。。
好凍呀，媽咪咪！
（依家阿b好鍾意好嗲咁嗌'ma mi mi'）
見到有人吹bubble，好想埋去玩，但又唔敢。。。
經媽咪鼓勵，終於踏出第一步。。。
仲越玩越開心添！
其實媽咪都有帶支私伙bubble槍黎。。。。
阿b好想用對手仔接住啲bubble。。。。
玩玩吓露點，咩事呀，阿b？
唔係跳舞，只係開心到拍手掌啫！
我似唔似唐伯虎？
再影多幾張相就離開觀景台喇！
坐完响塊石度影相，阿b即跣落地，
指住舊石講：有字字。。。
呢個雕塑影出黎都幾靚咩！
行番過碼頭嗰邊，搭車走lu！
呢個公園都幾靚，但就冇嘜嘢玩，
唔緊要啦！都係志在影吓相啫！
不過下次如果再黎，就一定要去沙灘玩吓至得！
夜晚，等爸爸收工去西營盤食泰國嘢，
呢度既生蝦刺身，燒魚，酸辣鳳爪真係好好好好味架！
爸爸媽咪成日都黎食，真係食到上咗癮。。
沒有留言:
張貼留言