四月十七日(星期六)
呢日係第三次既親子遊戲班既last一堂,媽咪決定影晒成個過程出黎。好!開始親子遊戲班逐格睇~~
首先係俾時間小朋友玩玩具~
皓皓例牌玩lego。。。
跟住老師逐個同小朋友講早安打招呼。。
做運動時間。。。
基本上皓皓全程一碌木咁企响度~~
佢响屋企會成日做舉手、扭腰等動作,
但係唔知點解,番到學校就硬係唔肯做
做完小手工就出去空地度玩遊戲~~
行上一條小橋,然後捐窿,再之後跨過啲障礙物,
最後黎到道具食物籃前攞嘢食。。。
皓皓最鍾意攞住啲道具食物'扮食'。。。。
開始唔聽老師指示,走咗去坐車車~~
老師又出絕招,成班細路又一窩蜂湧埋黎。
食茶點時間。。。。
先祈禱~~
皓皓咁樣叫做合埋雙手喇!但係叫佢合埋眼佢就唔肯,
莫非佢要看住啲通心粉?
邊個鍾意食通心粉舉手!
皓皓即舉~~
食完茶點~~到唱遊時間。
肯聽老師話跟住音樂搖個沙槌。。。
玩遊戲~~
有音樂既時候就jump,音樂停就將地墊反轉,
睇吓係嘜嘢水果。。。
註:當日皓皓仲未識離地jump,
寫blog 呢日喜見皓皓可雙腳離少少地跳。
然後攞起水果'扮食'。。。
皓皓玩得好開心~~
臨上完堂,响洪老師手上接過呢日做既小手工、相同埋證書。
小手工~~孖寶蛋糕。
翌日已慘遭皓皓毒手:完全解體!
證書&相~~
响學校門口睇bird bird睇到眼定定。
番到屋企仲未肯瞓,於是又帶架戰車落去煉番轉。
架車以龜速行駛,皓皓enyoy到差啲瞓著。。。
@商場~~
見到m記,指住話要去~~
食太多就唔得,好彩皓皓掛住玩'點茄醬',
只係食咗2-3條。
回程唔肯坐,要自己推~~
沿路見到碌柱又要走埋去攬住玩一大餐,
嘩!點算?皓皓真係勁無聊呀!
同場加映~~
第一次親子遊戲班相集
其實第一次親子遊戲班已經上完一個月,不過最近先得閒去學校攞番本學習小冊子,裏面紀錄咗每堂所學既嘢,同埋有平時上堂影既相同所有小手工。
雖然啲相質素差,不過好珍貴架,一來係見證咗皓皓上人生中既第一個課堂,二來上完咁多堂,真係得呢幾張相咋(因為學校唔俾家長影相)!
沒有留言:
張貼留言