四月二日(星期五)
本來諗住响皓皓生日前去既,入場券都買定架喇,後尾因媽咪臨時有約而取消。。。不過咁都好,因為可以就埋爸爸放假一齊去。
約咗心心表姐&芬姨先响中環飲完茶至出發。
皓皓b好鍾意食呢隻春卷,差唔多成條食晒...
平時多數從正門入,今次我哋特登揀响集古村嗰邊落車。
我係一條鯊魚bb.....
邊個埋黎我咬邊個....
真係唔好彩,一入場就開始落雨....
唔肯戴帽,掛住周圍跑....
衰豬仔仲係咁踩啲螞蟻...
排排坐,等心心...
心心表姐入咗彈牀迷宮度玩....
爸爸出手,竟然射中呀!
心心表姐中咗個公仔,開心到不得了。
呢度係專門介紹蜥蝪既....
紅鶴池~~
睇到眼甘甘...
開始越落越大雨呀,攪到我哋幾狼狽!
好彩阿b有件雨褸咋~~
唔想排隊坐纜車,所以走咗去搭新既海洋列車。
雖然黑麻麻無咩嘢睇,不過勝在夠快~~
瞓咗半粒鐘既阿醒咗喇,
瞓咁少當然唔夠喉啦,所以扭計仔唔肯影相。
直至見到熊貓~~
當堂醒晒~~
仲肯同小熊貓影相添!
@金魚館~~
由心心表姐操刀既一張相。
玩旋轉木馬~~本來都肯笑住坐,
心諗唔會歷史重演喇呱:上次坐喊足全程呀!
點知後尾見到芬姨冇坐埋上黎,開始喪喊!
仲要好淒厲咁嗌:芬姨呀!芬姨呀!
坐船仔~~阿b冇份玩。
當然唔少得去公園玩啦!
有人陪玩既阿b勁開心...
坐摩天輪~~
做嘜扮晒沉思呀,皓皓?
坐吓車仔~~
渣吓船仔~~
咁就玩到天黑喇!
下次再見,海洋公園!
夜晚八點幾,黎到鯉魚門食海鮮...
媽咪今日至發現:
原來我哋既精力係咁無窮無盡架!
補番呢幅响Ocean Park畫既畫先~~
畫咗兩舊水,但係爸爸媽咪個樣唔多似囉!
同之前响日本度畫嗰幅差好遠,
真係好想搵番嗰個女仔同我哋畫番幅全家福呀!
成幅畫,最似係隻海豚囉。。。。
其次就係阿b架喇,所以淨係俾呢一忽大家睇啦!
沒有留言:
張貼留言