四月三日(星期六)
今日舅父約咗成班朋友入南丫島天虹食海鮮,因為有免費船坐既關係,所以我哋同心心表姐、芬姨都跟埋去行吓。。。。
响尖沙咀文化中心對出等上船。。。
阿b:軒軒表哥,嘜你著到好似去北極咁既?
軒軒:爸爸話下個禮拜就要飛,費事旅行前凍親攪到唔舒服啦!
原本正正經經咁影相。。。。
點知無啦啦將塊餅乾放响頭上面
去到就搵地方食啲嘢先。。。。
又買咗呢隻波波俾阿b玩。。。。
阿b例牌由原本輕輕力咁摸,變成粗暴咁捏,
咁當然最終整爆個波啦!
揀最近海嗰張枱坐,view就ok,不過有一陣陣臭味。
食飽飽之後就一齊去天后廟前既空地玩~~
見成班細路响度跑跑跳跳,阿b都特別興奮。
最初大家只係玩吓竹青蜻蜓,好靜態~~
阿b見人哋啲竹蜻蜓放到好高,心郁郁又想試。。。
研究吓先~~
再望多兩望,終於忍唔住~~
求其擺隻竹蜻蜓响掌心搓兩搓,就'劈'落地。。。
佢仲以為自己成功咗添,笑屎人!
玩玩吓又無端端講:一字馬~~~
跟住就擘大對髀,越坐越低。。。
真係好好笑!
放完竹蜻蜓,跟住落黎既時間,
就係大既小朋友玩狐狸先生幾多點,
細既唔識玩既(即係阿b同軒軒表哥),
就自顧自咁喪跑。
原本想叫放咗工既爸爸入黎南丫島食海鮮,
點知爸爸話尋日食完,今日唔想食。。。
唯有响罟古灣坐船番香港仔。
成日無嘜點瞓過既皓皓,
番到屋企仲鬼打咁精神,
聽到'nobody nobody 笨焦'呢首歌,
仲起勢咁跳舞添!
令到媽咪又再度喪笑!
食淨少少雪糕俾佢。。。
'筆'唔到就開始'lam'。。。
最後倒埋溶咗嗰啲落口,
真係一滴都唔嘥架!
睇得出皓皓今日玩得好開心,
其實媽咪睇住你玩仲開心呀!
哈哈, 皓皓bb都鐘意聽nobody~~係咪一聽就要跟住跳舞?
回覆刪除南丫島good啊, 我好鐘意果度靜靜地又舒服又唔會太多人!
呢個easter好精彩wor! 見到你地就開心=)
[版主回覆04/13/2010 00:41:00]係呀,因為佢個大表姐成日唱俾佢聽,所以佢一聽就有反應
以前我哋去南丫島會行埋山,不過而家帶埋皓皓真係行唔郁....