某天早上。。。。
皓皓做咗一連串騎呢動作。。。。
笑到媽咪肚痛咁滯。。。
掛住笑,都唔記得攞相機影相。。
攞得相機黎,已經錯過咗好多爆笑動作。
大家都應該估到佢係模倣緊人,
問題係,佢模倣緊人哋做嘜呢?
大家估到未??
答案就响後面個電視機喇!
佢學緊個師傅耍太極~~
個師傅仲要用啲唔鹹唔淡既廣東話
介紹啲招式名--捧水、灌水。。。
皓皓又跟住講,真係笑到噴飯
係咪學得有板有眼呢?
呢兩日媽咪一講:捧'死'('水'字既唔鹹唔淡發音)
佢就會發功架喇!
四月二十四日(星期六)
呢日心心表姐黎咗我哋屋企,我哋出香港仔食南記,
然後去咗冒險樂園玩。。
同心心表姐玩得好happy~~
開始放膽响波波池入面爬黎爬去。。
竟然夠力搬起啲幾重吓既'大骰'。
响表姐既感染之下,阿b玩到喪癲!
前兩日响電視睇到人碌保齡,睇到入晒神。
呢日見到,如發現新大陸~~
係要爬過去推跌啲保齡,差啲連個頭都捐埋入去。
冇辦法,唯有俾佢試吓玩。。。
阿b好犀利,夠力推個波出去~~打中六個樽。
推咗三次,開始冇興趣,竟然挾帶私逃。。。
拎住個波走到舞雷公咁遠,
攪到媽咪要去捉雞仔咁捉番阿b番黎。
四月二十五日(星期日)
去奧海城食lunch時影既~~
媽咪陪公公打麻雀既時候,芬姨帶阿b落公園吹bubble。
心心表姐抱起30磅既阿b~~
多得芬姨&心心表姐陪阿b玩,阿b星期日先至唔駛咁悶咋!
後記~~好似、所以、點解
上個月啱啱足兩歲既皓皓bb,識講多咗好多說話,開始組織成句句子,例如:
去搵心心表姐~
媽咪聽電話~
媽咪番黎,唔好喊~(當媽咪扮嬲扮喊咁走咗既時候)
但係最得意既,係掌握到一啲虛詞既用法,好攪笑,例如朝早起身聽到廚房有聲,會話'好似嫲嫲黎咗';响廳度執到個彈彈波,會問:點解有波波?仲識得正確咁用因果連詞'所以'。。。。
寫到呢度,再一次覺得,花咁多時間記低皓皓既成長紀錄係值得既,如果唔係,呢啲一點一滴既鎖事媽咪肯定會好快唔記得晒lu。。。。
沒有留言:
張貼留言