三月十四日(星期日)
今日係白色情人節,爸爸要番工,不過好在仲有個小情人陪媽咪~~之唔係皓皓bb囉!都唔知去邊度好,不如就兌現之前對心心表姐既承諾啦。。。。
就係同佢去山頂喇~~
去到山頂已經四點,食個lunch先~~
冇錯,係lunch!因為媽咪起身到依家都未食嘢。
媽咪响Burger King食,即係明益我啫!
跟住上觀景台睇風景。唓!搵笨既!大霧到嘜都睇唔到!
嘥咗60幾蚊添。。。
阿b將張入場券當八達通,紥'行'晒馬响度拍~~
嘟。。嘟。。嘟。。
真係大霧到連座山都睇唔到呀!
媽咪同芬姨覺得好無癮,不過阿b就好開心,
因為可以'嘟''八達通'同埋喪跑。
阿b對個蠟像似乎好抗拒喎!
所以呢!唔入蠟像館簡直係明智呀!
同米妮影相~~
側邊有對情侶講:嘩!佢好識擺甫士呀!
阿b稱米奇為:老鼠!
Donald Duck~~阿b細細個已經認得佢。
架巴士同後面啲紙板街景都幾得意!
响廣場前留影~~
呢日咁啱係童軍毅行日,所以廣場好多人。
搭緊山頂纜車????
呢架流架!只係俾人參觀架咋!
講起黎真係慚愧。原本應承帶心心表姐搭纜車,
點知見到條人龍,最終媽咪都係選擇'的'上'的'落。。
心心表姐既纜車夢唯有繼續等。。。
呢張相真係好鬼可愛!
(戀子狂既媽咪又响度讚自己個仔)
原先諗住同心心影,點知臨禁掣嗰刻,芬姨將阿b個頭仔隊出黎,
結果就出現一個咁得意既畫面。。。
臨走前應心心表姐既要求~~
嘆番個雙球雪糕先~~
有得食既阿b幾開心!
真係一隻餵食豬!
上星期真係好大霧呀,你D相見到景都算勁喇!!我諗如果皓皓同表姐搭纜車應該會好開心架,我地都想帶妹妮去呀
回覆刪除[版主回覆03/19/2010 22:04:00]只係隱隱約約見到座山咋......我諗妹妮都會好鍾意,快啲同佢去搭啦,不過星期六,日真係好多人
唉也, 揀錯日子~~甘岩甘大霧, 哈哈, 不過唔緊要la, 阿b玩得甘開心, 下次再同心心去過la!
回覆刪除甘鬼得意既有舊hk既bg影相..仲有disney公仔既....我之前去都冇...
[版主回覆03/19/2010 22:02:00]係啦,我哋玩即興,冇諗過會咁大霧
disneyland做緊宣傳,所以咪有公仔囉 ; 舊hk既bg就唔知平時有冇既呢?
餐BURGER KING, 皓皓B有咩係可以落肚架XDD 我見佢渣住杯野飲咋喎!!!!! 然後臨尾又有份食雪糕, 呀B好幸福呀....娜B呢...應該2歲先可以品嘗到呢啲美食喇..好可憐呀...除非佢呀媽當啲老爺奶奶工人姐姐透明啦!!! 咁就發逹喇!! 可以一齊食!!
回覆刪除[版主回覆03/26/2010 00:49:00]仲駛問......緊係薯條啦
係我呢個阿媽把持唔住啫,其實真係唔應該俾佢食太多.........