上星期六(3月6日)，皓皓bb返新既playgroup，上一間其實仲有兩堂未上完，但係因為同新呢間撞咗時間，所以唯有放棄嗰兩堂。雖然係新環境、新人事，不過阿b好似完全適應到，玩遊戲嗰陣仲好投入添，或者係啲遊戲啱佢口味呱！
例如擺啲地墊响地下扮路軌，然後叫啲小朋友跟住條路軌行（皓皓本身行商場或响啲港鐵站已經會專登沿住啲唔同顏色既地磚行，所以呢個遊戲合晒佢'荷車'）、用匙'筆'蠶豆啦、跳呼拉圈啦、要家長抱起佢摘水果啦（其實啲水果圖畫係貼响啲汽球度，咁即係抱佢拍汽球啦！咁佢啲會唔鍾意呢？）
不過呢間好少一齊唱歌，皓皓好鍾意唱歌（應該係話聽人唱歌，即算係唱得勁難聽，如媽咪，佢都好enjoy），所以之前嗰間有唱遊時間，佢應該幾like．．．．整體黎講，皓皓鍾意邊間多啲？真係不得而知。不過肯定既係～～佢鍾意新呢間既茶點，因為有提子汁飲
叻仔wor, 自己做小手工都做得唔差! 仲貼得幾整齊~~heehee
回覆刪除[版主回覆03/15/2010 22:48:00]係呀，比起之前做類似既小手工，今次真係進步咗好多。。。。