3rd wedding anniversary

WaHAHA，媽咪終於開始放大假！前嗰排公司真係忙到踢晒腳，加上放假前要清晒啲手尾，又加上要睇波，忙到連去旅行既嘢都未得閒準備，錢又未唱，就連爸爸媽咪結婚三周年既blog，到今日至有時間update。。。。

六月二十四日（星期四）

真係唔覺唔覺，原來已經三年喇！上年我哋入咗Disneyland住一晚，今年實在太忙喇，所以只係一齊請咗假，諗住出去行吓，夜晚出去食餐飯就算lu；點知呢日勁大雨，根本行唔郁，好彩晏晝停雨，如果唔係，可能我哋呢個紀念日要一齊踎响屋企食外賣！

不過話時話，媽咪記得上年入Disneyland又係落大雨，有係有咁啱得咁轎，唔通係寓意風雨同路？哈，真有意思！

响open rice見到呢間餐廳幾多好評。。。

又好有情調，咁就黎試吓啦！

睇盞水晶燈，又真係幾romantic喎，不過。。。

有皓皓呢隻百厭豬响度，幾有情調都冇用～～

你哋睇佢！禽高禽低，擺到成枱玩具，

又成日响度嗌：呢度黑蚊蚊。。。

嘜嘢氣氛都冇晒，哈哈！

學人自己攞把刀扮查麵包～～

啲包又熱又軟，皓皓都食咗幾多。

頭盤：煙三文魚配鮮露筍。。。

仲有帶子湯，唔記得影添！

呢度其中一個招牌菜：煎鵝肝～～

見未有食物上，叫侍應哥哥同我哋影張全家福先！

main course之前，竟然黎一杯雪芭。。。

食淨少少俾皓皓試。。。。

熱情果味，酸酸地，都幾得意！

main course：肉眼扒＆龍蝦，龍蝦好好味！

另外散叫咗個招牌菜～～法式燒小乳豬。。

呢兩舊乳豬，啲皮好脆，好香，如果一開始就食，

肯定好好味。不過，佢最尾至黎，我同爸爸都勁飽，

所以食完覺得好膩。。。

呢間餐廳另一賣點就係甜品～～

呢日我哋個餐有兩份迷你甜品set，

兩份都幫我哋寫上祝福字句。。

就當係寶貝仔仔送俾我哋既周年禮物啦！

焦糖燉蛋～～皓皓食得好滋味！

臨走，當然要一圓皓皓既心願～～吹蠟燭！

佢吼咗成晚架喇！

 

結婚周年後記

第三年，第四年，第五年。。。。總有一年，我們會不再為這紀念日刻意慶祝，但不要緊，最重要是彼此記著它背後的意義。它代表著二人對彼此的承諾，紀念著大家一起走過的每段路，烙印著彼此經歷過的甜酸苦辣。。。。漫漫人生，哪個不會有流汗水，掉眼淚的日子？但我絕對是幸運的，因為我的擔子，有人願意與我一起揹；我的憂愁，有人願意與我一起分擔。以後每個晴天、陰天、風雨天，但願也有你與我同路。