七月九日(星期五)~~
Day 5)
酒店→上野動物園→酒店→成田機場
呢次去旅行都幾順利,唯獨是最後呢日有啲美中不足~~
原本媽咪諗住坐淩晨機黎,會坐番JAL最夜嗰班機走,諗住今日都可以玩全日;點知出發前幾天,爸爸先話:原來我哋坐CX六點幾機喎....吓~~
不過唔緊要啦,媽咪諗住呢日book架車,一早攞埋行李起程去Mother Farm玩,一來唔駛玩完再番酒店搭shuttle咁嘥時間;二來牧場較近成田,一個鐘車程左右就到;三來難得bear bear契爺肯渣車....點知~~最後因為太遲去book車而book唔到,唔渣車就唔去牧場喇,因為覺得交通好麻煩,失望~~就緊有少少啦。。。。
搬晒行李落酒店大堂check out。bye bye喇,氣球!
媽咪實在太衝動喇,呢個氣球根本唔應該買,嘥晒!
唔渣車就要兩點幾搭shuttle,唯有近近地去上野~~
先周圍逛逛兼買手信~
試緊冰凍綠茶,唔~~透心涼!
第二日响新宿食完飯已經十一點幾,百果園都收咗檔,
今日响上野呢間,點都要食番串水果。
呢位哥哥送咗兩排糖俾皓皓,Thx!
猛咁禁掣,以為會有公仔跌落黎。。。
黎咗咁多日今餐先至第一次食迴轉,連我哋自己都估唔到。。。
隔離位姨姨撩皓皓玩,皓皓唔多騷人,後尾皓皓仲倒瀉水,
攪到人哋都濕咗啲,難得佢仍然對住皓皓笑。。
動物園正門外有一個小型既遊樂場~~
入正門就即見到既熊貓擺設~~
成條褲濕晒,好彩袋多咗條瞓覺褲出街~~
睇馬騮仔~~
睇大笨象~~
真大笨象影得唔清楚,唯有同隻假既影。。。
連接東西園既吊車,大家都唔願行(雖然聽講東西園距離好近),
所以唔理咁多~~即刻買飛上車。。。。
右邊企响度嗰位職員好好人,見媽咪想影相,
就叫媽咪繞過去車尾影,果然呢個角度影得唔錯!
有冷氣嘆,又有風景睇,但係車程真係超快,
分幾鐘左右咋,大家都想坐耐啲~~
一落車就見到企鵝仔~~
皓皓冇第一次見到企鵝咁興奮喇!
傻豬仔真係好鍾意攬柱,究竟有嘜好玩?
呢度個荷花池好大好靚~~
又古靈精怪。。。
周圍睇吓動物,契爺話皓皓後面呢啲係袋鼠~~
呢啲唔知係咩,皓皓興趣唔係太大。。。。
對長頸鹿就好好奇。。。。
犀牛痾尿~~好似噴泉咁,好凌厲!
後面嗰隻係斑馬。。。
行到一點幾,都係時候要走lu。。。
10年7月9日~~皓皓到此一遊!
番酒店pack好埋啲手信,啱啱好夠鐘上suttle bus~~
去機場沿途經過台場~~
上圖:彩虹橋;下圖:富士電視台
@成田機場~~爸爸check in,皓皓就畫畫!
呢架機係嘜東東??
睇吓呢張製成品就知喇~~可以印上名字既label貼紙。
臨入禁區之要拋棄呢架bb車喇,佢陪我哋去咗三次旅行,
經歷咗好多風風雨雨,終於爛咗~~
Bye Bye啦,BB車!
尋晚唔記得叉相機電,所以冇得再影相lu!
我哋check in完仲有時間淨,
就响機場啲店鋪度買吓嘢食,
又食咗餐sushi先至上機。。。
下次再黎日本唔知會係幾時呢?
東京吃喝玩樂之旅~~完結^^
沒有留言:
張貼留言