東京吃喝玩樂之旅～Day 3(part 2)＾＾Disneyland Tyoko

七月七日（星期三）～～

Day 3（part 2)

酒店→淺草→Disneyland→池袋→酒店

離開淺草今半，行番去車站出發去Disneyland，阿b就已經瞓著咗．．．．媽咪發覺呢個旅程皓皓bb好乖，經常响啲搭車既時間或者我哋齋shopping既時間瞓，無錯過到任何啱佢玩既時機．．．．

啱啱瞓醒，神情呆滯．．．．

嘩！開始落狗屎！有啲後悔plan响今日入黎，

亦開始驚會唔會冇煙花同parade睇．．．．

點解平日都咁多人架？咁假期咪仲唔得掂？

一入去就有工作人員派米奇頭願望紙，

我哋寫咗兩張，掛上當眼既地方先！

我哋帶過去既包包超人雨褸俾bb車勾到爛咗，

爸爸話呢件米奇雨褸靚，就買黎即著喇！

點解呢隻米奇頭大身細咁奇怪既？

哦～～～原來係皓皓bb扮既．．．

除極都除唔到，傻豬仔！

後面仲有毛毛啦、跳跳虎啦等等，但係皓皓只肯戴米奇！

皓皓而家絕對唔會好似細個咁任人魚肉，

呢啲帽呀、眼鏡呀，都係佢自己貪玩攞黎戴，

佢唔鍾意，你都唔駛旨意迫到佢！

係要同媽咪玩撲匿匿～～

1個响鋪入面1個响鋪出面．．．

不過皓皓醒目呀，自己留响鋪入面嘆冷氣，

硬要推媽咪出鋪外面同佢玩．．．

夠鐘飲奶，呢度間baby center好大，

設施好齊備，連尿片都有得買，

換完片片仲即刻有位阿姐幫你用袋包好塊片，

真係諗得周到！

玩完巴斯光年，出黎鋪頭睇玩具精品，

皓皓獵咗副千幾蚊既巴斯話要買，

你知係冇可能架啦，阿b，死咗條心啦！

話說呢隻巴斯有掣禁識發聲&郁手郁腳，

第二日爸爸响Disney store見到隻細啲既，冇掣既，

見二百零蚊，諗住買俾佢，

點知皓皓話：禁唔到既？

竟然嫌棄隻巴斯！咁仲好！慳番！

排隊玩馳車天地，一臉期待～～

媽咪諗住坐佢哋兩仔爺前面架車同佢哋影相，

點知原來擰轉面影相好高難度，影得好差～～

皓皓渣車時全程喪嗌：追媽咪，快啲追媽咪！

响呢架假既度影補番數啦！

皓皓渣呔盤勁high！

話咁快就天黑，根據尋日玩boat ride既經驗，

媽咪今日放棄玩小小世界！

唔想攪到阿b咁驚咁唔開心！影相算啦！

食晏晝食淨既燒餅。。。

皓皓bb等parade時喪high，以極速响度兜圈狂跑！

跑吓又坐吓地下，佢緊係覺得好爽！

未正式開始，啲工作人員出黎講一大堆嘢，

只見在場細路跟住大嗌，幾好氣氛喎！

之後佢又帶領觀眾拍手，皓皓又興奮地跟隨！

開心到指天篤地！

開始喇，下面係部份既花車．．．

媽咪要陪皓皓坐响地下睇，唔能夠企响身較角度，

所以影得唔係太好．．．

其實現場睇真係好靚．．．

話說parade期間，皓皓叫到聲都沙埋，

'巴斯光年呀'、'魚魚呀'、'吹泡泡呀'．．．

不過要數佢最鍾意既，相信大家諗十次都未必會諗到～

花車與花車之間，咪間中有啲姐姐仔，

著晒燈泡短裙出黎轉圈跳舞既，

皓皓離遠見到，已經發咗癲狂嗌：

真係好靚呀！姐姐搖搖吓．．．

媽咪O晒咀．．

最掃興時刻～～响城堡前等睇煙花，

點知臨時因天氣關係取消！

唉！其實天氣都冇晏晝咁差架喇，咁都要取消！

再行多陣商鋪，買個氫氣球都走喇，

又開始落大雨，唉！

番到池袋搵嘢食．．．

又係壽司，正！

皓皓同bear bear 契爺合照，兩個既表情都好攪笑！

呢晚又食兩餐呀，又係拉麵，

真係超滿足！

食完番酒店，瞓一陣，又起身睇波喇，

西班牙對德國呀，攰都要睇啦！