七月八日(星期四)~~
Day 4(part 1)
酒店→Anpanman Children's Museum→
西松屋→橫濱→台場→池袋
今日去既地方肯定係皓皓bb既至愛~~就係包包超人博物館!上年皓皓bb第一次黎已經興奮莫名,而家大個仔咗咁多,更加明白發生咩嘢事,未出發黎日本之前,佢已經成日講:去日本搵包包超人,買番個彈彈波俾bb(因為上年買嗰個超巨型包包超人彈彈波俾皓皓bb玩到穿咗,佢好想要番一個)....黎到日本第一日仲攪笑,我哋咪番酒店擺低啲戰利品再出去食飯既?媽咪叫皓皓:行喇,出去喇!點知皓皓問:去包包超人館?可想而知佢係幾咁期待....
由酒店出發~~呢幾日上落電梯,皓皓就捉實前面條柄,
然後話:bb捉住!
好信唔過爸爸咁既款喎!
食早餐既時候超曳,成日郁手郁腳,差啲整親姐姐!
差唔多一個鐘車程,就黎到响高島駅既包包超人館...
上年黎諗住離開嗰陣先响正門影相,點知阿b玩到喪癲攰到瞓咗,
今年黎補番影先~~
唔行商鋪住喇,即刻買飛入博物館俾阿b玩先~~
阿b既期待,攪到媽咪都特別緊張,驚佢陣間眼瞓玩得唔夠盡...
頸上掛住既係入場既紀念品~~
大家跟我一齊入場啦~~
入面啲昆蟲全部郁緊,皓皓睇到入晒神,嗌佢都唔應....
直至有個哥哥行埋黎,佢先望吓~~
又係曉郁,仲要捐山窿~~皓皓好似俾人點咗穴...
突如其來咁多既包包超人,皓皓好似仲未定過神黎咁~~
裝吓Baikinman入面有咩先?
入面好似間屋咁,好得意!
嘩!曬冷呀!Anpanman成個家族同好朋友都响齊度!
爸爸媽咪企响豎等咗皓皓好耐。點解??
因為皓皓要同啲公仔逐隻逐隻握手~~
好多小朋友都鍾意入呢個包包超人頭度做駕駛員,
所以玩呢個要排隊...
皓皓竟然肯好乖企定定跟住人排隊,
入到去玩咗一陣,同佢講話輪到哥哥姐姐玩,佢又肯走,
媽咪突然覺得皓皓又大個仔咗...
玩緊呢個,但係又掛住望第二樣嘢...
以前細未識玩,今次就識喇:泵氣入去,個包就發脹...
淨响呢個area(尤其是呢間屋仔)已經玩咗好耐~~
皓皓bb話:'責'遍包包超人....
有個king size 弟弟响度,唔敢sir落黎....
的骰少少既bb就肯一齊玩...
成場都係積本~~
即場有個包包超人劇場,吸引咗幾十個小朋友坐定定睇...
見皓皓投入到咁樣~~
就知係玩緊佢既'飛佛'玩意~~响廚房開爐。
呢度擺咗十幾個Anpanman同埋Baikinman既彈彈波俾小朋友玩~~
但係彈彈波既size就比上年黎買嗰個細成倍...
爸爸媽咪都即時諗:唔通冇晒大既size既彈彈波買?
於是爸爸即刻去鋪頭度睇,果然,已經冇晒大size,
唉!仲要冇晒Anpanman款,局住要買Baikinman款,
奇怪在個波細咁多,但係價錢又冇平過喎!
皓皓全程淨係攞Anpanman玩,而唔攞Baikinman,
睇黎佢都係鍾意Anpanman多啲...
皓皓攬住個彈彈波响呢條斜路度jump jump jump,
嚇得媽咪要全程戒備。
買完彈彈波,係時候走喇!
拜拜包包超人!下次再黎!
最後行埋啲商鋪就走喇!
媽咪發覺爸爸好鍾意買爆谷桶,
入Disneyland Toyko又買,响呢度又買,
以前入Disneyland Toyko買爆谷桶都係爸爸提出既,
不過媽咪見皓皓都好鍾意,成日攞黎玩..
離開Anpanman Children's Museum,爸爸媽咪都見肚餓,但係我哋唔想再食入面間餐廳(雖然味道ok,但係黎到日本唔想食西餐),決定忍住肚餓去第二度至再食...
媽咪見皓皓响呢度玩得咁開心,自己都好開心呀!雖然大人都要收錢有啲搵笨(因為香港啲playtown、playroom都係可以俾大人免費陪入),不過媽咪覺得呢3000 yen都係用得值既!
我哋之後就會去台場,下回見!
very happy trip~
回覆刪除[版主回覆07/21/2010 17:12:00]我哋兩家人都有個開心既旅程
麵包超人真係小朋友D最愛~~
回覆刪除[版主回覆07/21/2010 17:11:00]尤其是响日本,原來真係好多小朋友鍾意...
佢好似好開心^^
回覆刪除[版主回覆07/21/2010 17:11:00]佢真係好開心囉!
真係好好玩咁喎 有機會要帶小b去見識下先
回覆刪除[版主回覆07/21/2010 17:10:00]小b兩歲前去一次先,機票平啲嘛