旅行番黎後,個人好似散晒咁,又加上要番工啦,又又加上皓皓前排發燒啦....所以番咗黎兩個幾禮拜,都冇嘜同皓皓bb出過街。咁啦!慳水慳力啲,一篇過講晒呢兩個幾禮拜既嘢啦!
七月十五日,係同ViVi表姑姐慶祝生日既日子(表姑姐佢哋响比利時住,每年只係返黎一次架咋!)
你哋估吓我係邊個?
係我呀!皓皓bb呀!
同BoBo表姑姐&ViVi表姑姐玩到癲晒....
呢晚嗌外賣番太婆屋企食....
有得一齊坐埋枱,皓皓心情特別好!
掛住玩碗碗筷筷,唔肯望鏡頭....
冇一張影得好,一係皓皓唔望鏡,一係就ViVi表姑姐唔望!
好鍾意教人哋整一個手勢,就係~~
叻叻手勢喇~~
同兩位表姑姐玩到喪癲,直頭成個人瞓晒上佢哋身上。
仲要大大聲聲嗌:'責'扁你哋!
風水輪流轉,今次到皓皓被人捉住係咁'吱'...
玩完一輪,係時候切蛋糕喇!
ViVi表姑姐,Happy Birthday!
七月十七日,我哋去咗屯門舅公既屋企兼夾食晚飯..嗰日出發既時候仲陽光普照,點知食完晚飯返屋企嗰陣就落傾盆大雨!最好笑係食晚飯間酒樓,竟然因出面落大雨而漏水,仲越漏越勁,啲水好似倒落黎咁...最後幾圍枱既人焗住走佬搬去第二張枱,真係好攪笑,點會咁架?
去到屯門,跟埋兩個表叔仔落空地度踩單車~~
好似俾人點咗穴咁,望嘜呢?
原來係睇住姨婆同表叔仔佢哋打乒乓波~~
玩一陣就上番表叔仔屋企,因為實在太熱喇!
今日皓皓著住既就係媽咪話好鍾意嗰件stussy x hello kitty tee喇。
呢度就係食晚飯間酒樓~~有電視間房就係我哋原本坐既地方,
後尾天花突然噴水,於是全房既人搬晒出黎坐,超爆!
本來諗住影一兩張相就算,不過見皓皓同大伯玩得好開心,
笑得好燦爛(比較少有,皓皓多數笑得好含蓄),
於是連環影咗好多張。。。。
媽咪最鍾意見到皓皓呢種笑容。。。
皓皓,媽咪八月又放大假喇,
到時再同你周圍去玩啦!
去完旅行無耐又有假放咁正?!皓皓無啦啦做咩發燒既?快D好番呀
回覆刪除[版主回覆08/04/2010 21:53:00]燒咗一日幾已經好番喇,醫生話係作感冒喎.....