七月六日(星期二)~~
Day 2(part 2)
酒店→Sanrio Puroland→南大沢outlet→新宿→酒店
上次講到我哋離開Sanrio Puroland,然後响附近食魚生飯(唔記得影相),再繼續去下一個目的地。。。
下一個目的地就係兩站之隔既南大沢outlet~~
皓皓瞓覺真係較啱晒timing,食lunch開始瞓,
瞓到我哋响outlet掃完貨至起身。。。
咁叻仔,俾佢响個微型playground度玩陣啦~~
皓皓仍然係細膽豬,只敢sir呢條短既滑梯,
唔敢sir條長既(見第一幅相)。。
皓皓另一大娛樂~~追bird bird。。
由outlet行去車站段路擺咗好多賣雜貨既檔攤。。。
皓皓揀咗個搖鼓~~
睇佢轉得幾起勁!
大概四點,搭番京王電鐵去新宿。。。
日本人真係諗得周到,月台有個候車室俾人嘆冷氣同坐吓。。
去到新宿,會合番bear bear契爺佢哋shopping~~
又行Milo,尋日有件外套冇size,呢度終於買到。。
好開心,奶咀b有大減價,掃咗兩件衫、一件風褸、
一條牛記、一條沙灘褲俾阿b。
等爸爸掃貨期間,媽咪就陪皓皓睇吓玩具。。。
行埋0101,我哋就去開餐lu。。。
姐姐同bear bear契爺影相,皓皓就攪攪震,幫姐姐梳頭。。。
間獨立房好大,皓皓周圍跑已經覺得好開心!
見到呢隻蟹,就知我哋又去道樂拆蟹喇!
真係好鮮甜,大家都食到lam lam脷!
皓皓食緊既係蟹肉蒸蛋。。。
今餐係全蟹宴,呢個係燒蟹~~
bear bear契爺全晚最激讚既~~蟹膏sushi!
皓皓食緊蟹腳天婦羅。。。其他仲有煮物、刺身等,
7800yen一個set,食物真係好ok!
我哋呢班大食積,拆完蟹再要去康竜隊碗拉麵。
哈哈,每次去旅行,唔咁樣食法都覺得唔夠盡情~~
食完拉麵,已經十一點,百果園都閂埋門,
仲諗住買一大堆生果番酒店食添!
之後買嘢飲同零食番酒店,諗住夜晚睇波時候食,
點知爸爸媽咪都攰到聽唔到鬧鐘響,一覺瞓到天光。
睇唔到波,都好既,聽日唔駛咁攰,下一場就一定要起身睇呀。
我地平時都無去食蟹架,不過原來都幾好味,東京D蟹好食嗎?
回覆刪除[版主回覆07/27/2010 00:59:00]我哋次次去都食道樂,好鮮甜.....你哋今次去北海道有冇勁食蟹呀?