七月七日（星期三）～～
Day 3（part 1)
酒店→淺草→Disneyland→池袋→酒店
今日入Disneyland，但係因為我哋想睇夜晚既parade同煙花，又因為已經去過幾次，驚玩唔到咁耐，所以我哋決定晏晝至去，上晝就去咗淺草．．．．
首先响酒店附近食早餐～～
衰豬仔要腸唔要包，曳！
好彩都唔算獨食，肯分啲俾爸爸．．．．
呢度係邊豎？大家見個畫中人件衫有個'淺'字，就知我哋到咗淺草啦！
呢幅好大既壁畫响淺草站入面，畫裏面條魚好立體，拱起架！
呢個地標，點都要循例影一影．．．．
呢件背心尋日响beams買，著上身都幾搶呃～～
等我學吓啲姐姐咁跌膊先～～～
淺草仲見世～～都好多人喎，今日咩日子呀？
食完人形燒，緊要嘆番杯綠茶啦！
唔～～～好冰凍，正！
飲完綠茶又食雪糕，唔知會唔會攪到肚仔痛？
呢杯係爸爸媽咪都好鍾意既豆腐味雪糕～～
好攪笑，個店主要客人企响門口食晒杯雪糕至走得，
可能驚遊客整污糟呢條咁乾淨既街卦。
你吔睇食雪糕既人海，幾壯觀！
爸爸自顧自匿入鋪裏面食，由得我自生自滅企响出面，
你哋見唔見到我呢個豆丁呀？
成條仲見世都掛滿呢隻風鈴。
皓皓一見到包包超人，就嗌住要買．．．
結果買咗呢個吹泡泡，吹既時候側邊幾塊葉會轉，
皓皓吹得好興奮．．．
淺草觀音寺～～
跟住去搵旅遊書介紹既食店，食店附近有達地方好得意，
成個地下都係一啲手模，咁似香港星光大道既？
你哋睇吓呢隻手模既主人個名：
一龍齋貞水～～笑死！
皓皓又學bear bear契爺咁放隻手仔落啲手模度．．．．
呢間就係我哋要搵既食店～～淺草今半。
佢就係創業於明治28年、享負盛名既「百年牛丼」喇！
聽講佢哋選用既係三大和牛之一既「近江牛」，
果然一入門口，陣陣既牛肉香撲鼻而來，
聞到已經好想食！
前菜～～好精緻，不過我哋志不在此！
睇勻餐牌，由千幾yen到萬幾yen都有，
最後我哋決定食豪啲，嗌咗六千幾yen 1set既Sukiyaki，
嗌呢隻set仲有專人幫你燒頭嗰幾塊．．．
呢隻降霜和牛燒完啲肉汁好豐富，香到不得了，
食到我哋四條友．．．
一餐飯裏面唔知講咗幾多次：好正！
兩份Sukiyaki驚唔夠食，再叫咗兩個牛排丼，
好多人激讚既一個牛丼，我哋都覺得好好味，
不過比起Sukiyaki，真係唔能夠話無分別囉！
雖然呢餐埋單過二萬，但係大家都食得好滿足，
相信亦會係其中一個令我哋好難忘既行程。
餐後水果，清清地又略帶酸既柚子，正好中和頭先濃郁既味道。
皓皓bb唔食牛齋食飯都ok，因為淨係用啲汁撈飯都好香！
食完呢餐，大家就捧住個肚出發去Disneyland～～
下次見！
沒有留言:
張貼留言