七月八日（星期四）～～
Day 4（part 2)
酒店→Anpanman Children's Museum→
西松屋→橫濱→台場→池袋
離開Anpanman Children's Museum，就到隔離既西松屋睇吓有冇平貨執；然後去橫濱站Sogo食lunch，再會合埋bear bear契爺佢哋，跟住就出發去台場．．．．
經頭一、兩日喪買嘢之後，今日既我哋志不在shopping喇，所以我哋放棄咗Palette Town & Venus，揀咗比較多懷舊得意嘢睇既Decks～～
响西松屋掃咗10盒獨立包裝既森永奶粉同埋一啲日用品，
見門口有條小滑梯，就比皓皓玩一陣啦！
(雖然爸爸媽咪都好肚餓．．．)
離開西松屋，皓皓已經倦極入睡，
黎到橫濱站，第一時間覓食，我哋去咗築地玉壽司，
嗌咗兩個set，一個3000幾yen，一個2000幾yen，好味！
諗起尋晚响池袋柳壽司食嗰個set又係3000幾yen，
不期然諗起Jasmine媽咪响blog既介紹：
1000幾yen一set sushi，又好味又新鮮！
點解我搵唔到既？
我都想食呀！
會合咗bear bear契爺同Kennex姐姐，就起程去台場，
我哋搭JR去新橋，再搭ゆりかもめ(Yurikamome)，
沿途會穿過彩虹橋同埋可以睇靚景．．．
搭幾個站，响海浜公園駅落車．．．
行5分鐘左右，就黎到Decks喇！
真係好多懷舊商店，都幾得意！
傻仔爸爸响皓皓身後舉起嗰一億yen係魷魚黎架，
都幾攪鬼，買啲番去做手信先！
Can you guess who Iam？
包包超人响日本既人氣都幾勁喎，度度都見佢既踪影。
好多唔同口味既波子汽水．．．．
皓皓要媽咪先吹出一個波，然後自己搶過來放入口中，
咁就當係自己吹．．．好一個自欺欺人既做法！
紀念新幹線啟用～～
隻招財貓有嘜咁特別？皓皓會睇到眼都唔眨．．．．
原來～～～
隻貓會縮落個箱度．．．
隔一陣又會彈番上黎！
响一丁目商店街留影．．．．
行到差唔多盡頭，有幾檔畫人像素描既鋪頭．．
爸爸媽咪條畫畫癮又起，即刻對比吓幾間既質素，
大家都覺得呢間係畫得最靚既，就呢間啦！
一睇！嘩！畫全家福要一萬yen呀！
雖然鍾意畫，但係唔係咁捨得囉，
反正响Puroland都畫咗幅全家幅，
咁呢度淨係畫皓皓啦！4000yen，接受到
畫畫既姐姐係咁引皓皓玩，再出動埋軟糖，
皓皓至肯坐定定俾姐姐完成畫作。
繪畫中．．．．已經有個輪廓，好似！
完成作～～
珠玉在前，bear bear契爺同Kennex姐姐都要畫一幅～
一畫完就好似放監咁，周圍亂跑．．．
仿古既街景、公園仔．．．．
單車既位置係固定咗既，所以放心俾皓皓自己坐。
當然，皓皓又以為係自己踩到架車．．．．
昭和時期一般人家既客廳擺設，好特別！
呢間係餐廳黎架！估唔到，係咪？
模仿學園既一間餐廳．．．．
黃昏中的彩虹橋～～
影幾張相，行一陣就去搵嘢食喇．．．．
呢間餐廳係全海景，仲望到彩虹橋，景觀一流！
一坐底，有個廚師就走出黎，扭咗個氣球俾皓皓～
攪笑！點解廚師會出黎招呼客人，仲要扭波氹細路！
呢晚我哋食鐵板燒～～
雖然冇淺草嗰日咁正，但係都好好味！
8000幾yen一set，嗌兩set夠晒四個人食。
大人响度燒牛肉、豬肉，咁皓皓做嘜呢？
自己响隔離個爐度燒奶咀啦～
燒扭扭波啦～
真係笑死人喇！
冇幾耐，廚師又走出黎，再扭多個波俾皓皓～～
見到宣傳牌寫商場有得買北海道限定牛乳雪糕，
咁當然要試喇！真係好香！
不過比唔上响大阪度食到嗰杯，懷念！
Bear Bear契爺你咪教壞皓皓呀！
夜晚既彩虹橋比晏晝靚好多喎．．．
不過大家都好掃興咁講：青馬大橋仲靚啦！
影埋夜景，係時候番酒店執嘢喇，
我哋行去Toyko Teleport站搭りんかい線(臨海線)，
可以唔駛轉車，直達池袋，真係好方便！
等皓皓再大啲，我哋一定會再黎台場，
因為我哋要仲去Mega Web、
Muscle Park、KidZania．．．
話咁快就第四日lu，仲有一日就要番香港喇！
沒有留言:
張貼留言